SA20 2024: హెన్రిస్‌ క్లాసెన్‌ విధ్వంసం.. సౌతాఫ్రికా టీ20 ఫైనల్‌కు సూపర్‌ జెయింట్స్‌!

Durban Super Giants Reach SA20 2024 Final: డర్బన్‌ సూపర్‌ జెయింట్స్‌ టీమ్ సౌతాఫ్రికా టీ20 లీగ్‌ 2024 ఫైనల్‌లో అడగుపెట్టింది. గురువారం వాండరర్స్ స్టేడియంలో జోబర్గ్ సూపర్ కింగ్స్‌తో జరిగిన క్వాలిఫైయర్‌-2లో 69 పరుగుల తేడాతో ఘన విజయం సాధించిన డర్బన్‌.. తొలిసారి ఫైనల్‌కు చేరుకుంది. డర్బన్‌ గెలుపులో హెన్రిస్‌ క్లాసెన్‌ (74; 30 బంతుల్లో 3 ఫోర్లు, 7 సిక్సులు), జూనియర్‌ డాలా (4 వికెట్స్) కీలక పాత్ర పోషించారు. ఫిబ్రవరి 10న కేప్‌టౌన్‌ వేదికగా జరగనున్న ఫైనల్లో సన్‌రైజర్స్ ఈస్టర్న్ కేప్, డర్బన్ సూపర్ జెయింట్స్ తలపడనున్నాయి.

ఈ మ్యాచ్‌లో ముందుగా బ్యాటింగ్‌ చేసిన డర్బన్‌ సూపర్‌ జెయింట్స్‌ నిర్ణీత 20 ఓవర్లలో 6 వికెట్ల నష్టానికి 211 పరుగులు చేసింది. హెన్రిస్‌ క్లాసెన్‌ విధ్వంసక ఇన్నింగ్స్ ఆడాడు. 30 బంతుల్లోనే 3 ఫోర్లు, 7 సిక్సర్లతో ఏకంగా 74 పరుగులు చేశాడు. క్లాసెన్‌ సిక్సులు వర్షం కురిపించడంతో డర్బన్‌ స్కోర్ బోర్డు పరుగులు పెట్టింది. వియాన్‌ ముల్డర్‌ (50; 23 బంతుల్లో 3, ఫోర్లు, 3 సిక్సులు) హాఫ్‌ సెంచరీతో రాణించాడు. జోబర్గ్ సూపర్‌ జెయింట్స్‌ బౌలర్లలో నంద్రే బర్గర్‌, బ్రెస్‌వెల్‌ తలా రెండు వికెట్లు పడగొట్టారు.

Also Read: IPL 2024: ప్రతి జట్టు ఆటగాళ్లకు ఐపీఎల్ 2024 ఏంతో కీలకం!

212 పరుగుల లక్ష్యంతో బరిలోకి దిగిన జోబర్గ్ సూపర్‌ కింగ్స్‌ 17.4 ఓవర్లలో 142 పరుగులకే ఆలౌట్ అయింది. సూపర్‌ కింగ్స్‌ బ్యాటర్లలో మొయిన్‌ అలీ (30; 26 బంతుల్లో 4 ఫోర్లు, 1 సిక్స్) టాప్‌ స్కోరర్‌. డోనోవన్ ఫెరీరా (24), డగ్ బ్రేస్‌వెల్ (23) వేగంగా ఆడినా అది సరిపోలేదు. డర్బన్‌ బౌలర్లలో జూనియర్‌ డాలా 4 వికెట్లతో కింగ్స్‌ పతనాన్ని శాసించాడు. నవీన్‌ ఉల్‌ హాక్‌, ప్రిటోరియస్‌ తలా రెండు వికెట్లు పడగొట్టారు. ఫిబ్రవరి 10న ఫైనల్ మ్యాచ్ జరగనుంది.