Dunzo: ఏకంగా 75 శాతం ఉద్యోగులను తొలగించిన డన్జో..

Layoffs in Dunzo: రిలయన్స్ రిటైల్ మద్దతుగల డన్జో ఖర్చులను తగ్గించుకోవడానికి దాదాపు 75 శాతం మంది ఉద్యోగులను తొలగించింది. అందిన నివేదిక ప్రకారం, ఇంత పెద్ద ఎత్తున తొలగింపు కారణంగా కంపెనీలో పనిచేస్తున్న 150 మంది ఉద్యోగులు పైగా తమ ఉద్యోగాలను కోల్పోయారు. Dunzo ఇప్పుడు దాని ప్రధాన సరఫరా, మార్కెట్‌ ప్లేస్ టీమ్‌ లలో కేవలం 50 మంది ఉద్యోగులతో పనిచేస్తోంది. సంస్థ తన ఆర్థిక ఇబ్బందవులను తీర్చడానికి నానా తంటాలు పడుతోంది. తొలగింపుల వల్ల ప్రభావితమైన ఉద్యోగులకు కంపెనీ ఇమెయిల్ ద్వారా సమాచారం అందించింది. ఈమెయిల్‌లో బెంగళూరుకు చెందిన డన్జో కంపెనీకి అవసరమైన నిధులను స్వీకరించిన తర్వాత బకాయి ఉన్న జీతాలు, సెవర్స్, లీవ్ ఎన్‌క్యాష్‌మెంట్ ఇతర బకాయిలు చెల్లిస్తామని హామీ ఇచ్చారు.

WTC Final 2025: WTC ఫైనల్ షెడ్యూల్ ఫిక్స్..

నివేదిక ప్రకారం.. ఉద్యోగులు, విక్రేతలకు బకాయి ఉన్న చెల్లింపుల చెల్లింపుతో సహా సంస్థకు పెరుగుతున్న ఆర్థిక సవాళ్లను పరిష్కరించేందుకు తొలగింపులు లక్ష్యంగా పెట్టుకున్నాయి. ప్రపంచవ్యాప్తంగా చాలా టెక్ కంపెనీలు ఈ ఏడాది తమ ఉద్యోగులను తొలగిస్తున్నాయి. ఈ సంవత్సరం తొలగింపులు చేస్తున్న కంపెనీలలో ఆపిల్, గూగుల్, ఇంటెల్, మైక్రోసాఫ్ట్ వంటి అనేక దిగ్గజ కంపెనీలు ఉన్నాయి. ప్రపంచవ్యాప్తంగా ఉద్యోగుల తొలగింపులను పర్యవేక్షించే వెబ్‌సైట్ లేఆఫ్స్ ప్రకారం.. ఈ ఏడాది జనవరి 1 నుండి సెప్టెంబర్ 3 మధ్య, ప్రపంచవ్యాప్తంగా 422 కంపెనీలు 1.36 లక్షల మంది ఉద్యోగులను తొలగించాయి.