DOST : ఇటీవల ఇంటర్మీడియట్ పరీక్షలు విజయవంతంగా పూర్తి చేసిన విద్యార్థులకు తెలంగాణ రాష్ట్ర ఉన్నత విద్యా మండలి (TGCHE) ఛైర్మన్‌ అభినందనలు తెలియజేశారు. విద్యార్థులను ఉద్దేశించి మాట్లాడుతూ.. మీరు ఇప్పుడు ఉన్నత విద్యలో అడుగుపెట్టబోతున్న కీలక దశలో ఉన్నారని ఈ సందర్భంగా, తెలంగాణలోని వివిధ విశ్వవిద్యాలయాల్లో అందుబాటులో ఉన్న డిగ్రీ (UG) కోర్సులకు మిమ్మల్ని సంతోషంగా ఆహ్వానిస్తున్నానని ఆయన అన్నారు.
తెలంగాణ రాష్ట్రంలోని సంప్రదాయ విశ్వవిద్యాలయాల్లో అండర్‌గ్రాడ్యుయేట్ పాఠ్యాంశాలు ఆధునిక ఉద్యోగ ధోరణులకు అనుగుణంగా, అంతర్జాతీయ ప్రమాణాలతో సరిపోలేలా పునర్వ్యవస్థీకరించబడ్డాయి. ఈ కోర్సుల్లో కృత్రిమ మేధస్సు (Artificial Intelligence), డేటా సైన్స్ (Data Science), ప్రాజెక్ట్ ఆధారిత అభ్యాసం (Project-based Learning) వంటి ముఖ్యమైన అంశాలు చేర్చబడ్డాయి.
విద్యార్థుల్లో పరిశ్రమలకు అవసరమైన నైపుణ్యాలను అభివృద్ధి చేయడం, పరిశోధన మరియు విశ్లేషణాత్మక ఆలోచనలకు ప్రోత్సాహం కల్పించడం ఈ సిలబస్ మార్పుల ప్రధాన ఉద్దేశ్యం. ఈ మార్పుల ద్వారా, తెలంగాణ రాష్ట్రంలోని విద్యా రంగాన్ని మరింత ప్రగతి పథంలో నడిపించడం, నూతన ఆవిష్కరణలకు కేంద్రంగా మారించడం ప్రభుత్వ లక్ష్యంగా ఉంది.
DOST వేదిక ద్వారా కొత్త విద్యార్థుల బృందాన్ని తెలంగాణ రాష్ట్ర ఉన్నత విద్యా మండలి కుటుంబంలోకి ఆహ్వానించడం మాకు ఎంతో గర్వకారణం. మా అంకితభావం మరియు మార్గదర్శకత ద్వారా, ఈ విద్యార్థులను ఒక ప్రకాశవంతమైన, విజయవంతమైన భవిష్యత్తుకు దారితీసేలా నిస్సంకోచంగా కృషి చేస్తాము. తదుపరి, DOST ద్వారా UG ప్రవేశాలకు సంబంధించిన నోటిఫికేషన్ త్వరలో విడుదల కానుంది. విద్యార్థులు ఈ అవకాశం వినియోగించుకుని తమ భవిష్యత్తు సాధనలో ముందడుగు వేయగలుగుతారు.
Home Minister Anitha: తప్పు చేసిన వారికి శిక్షపడాలనే నినాదంతో కూటమి ప్రభుత్వం ముందుకెళ్తుంది..
