రిపబ్లికన్ పార్టీ తరపున అమెరికా అధ్యక్ష అభ్యర్థిగా ఈసారి కూడా పోటీ చేసేందుకు యూఎస్ మాజీ ప్రెసిడెంట్ డోనాల్డ్ ట్రంప్ ప్రయత్నిస్తున్నారు. అయితే, పార్టీ అభ్యర్థిత్వం కోసం జరుగుతున్న ప్రైమరీ ఎన్నికల్లో ఇప్పటికే తొలి విజయం సాధించిన ఆయనకు మరో భారీ విక్టరీ సొంతం చేసుకున్నాడు. హ్యాంప్‌షైర్ ప్రైమ‌రీలో ట్రంప్ జయకేతనం ఎగురవేశారు. దీంతో దాదాపు ఆయనకు అధ్యక్ష అభ్యర్థిగా లైన్ క్లియర్ అయ్యే అవకాశాలు కనిపిస్తున్నాయి.
Read Also: CM YS Jagan: ఇండియా టుడే ఎడ్యుకేషన్‌ సమ్మిట్‌లో పాల్గొననున్న సీఎం జగన్.
ఇక, న్యూ హ్యాంప్‌షైర్‌లో డోనాల్డ్ ట్రంప్‌కు 55 శాతం ఓట్లు వచ్చాయి. ఇక, రెండవ స్థానంలో నిక్కి హేలీ నిలిచింది. గత వారం క్రితం ఐయోవాలో జ‌రిగిన ప్రైమ‌రీలో కూడా ట్రంప్ విజయం సాధించిన విష‌యం తెలిసిందే. న్యూ హ్యాంప్‌షైర్‌లో 22 మంది డిలీగేట్స్ ఉండ‌గా.. అందులో ట్రంప్ 11, హేలీ 8 గెలుచుకున్నాట్లు టాక్. అయితే, రిపబ్లికన్ పార్టీ తరపున అమెరికా అధ్యక్ష అభ్యర్థి రేసులో ఒకవేళ హేలీ ఉన్నా తాను ప‌ట్టించుకోన‌ని డోనాల్డ్ ట్రంప్ తెలియజేశాడు. ఆమె ఏం చేయాల‌నుకున్నా చేసుకోవ‌చ్చు అని తెలిపాడు. అయితే సౌత్ క‌రోలినాలో జ‌రిగే ప్రైమరీ రేసులో మాత్రం తానే విజయం సాధిస్తాను అని నిక్కీ హేలీ మరోసారి ధీమా వ్యక్తం చేసింది.
