Devi Sri Prasad : పుష్ప మూవీ పై ఆసక్తికర వ్యాఖ్యలు చేసిన రాక్ స్టార్..
ఐకాన్ స్టార్ అల్లు అర్జున్ నటించిన `పుష్ప` చిత్రం పాన్ ఇండియా స్థాయి లో విడుదల అయి ఎంతటి ఘన విజయం సాధించిందో ప్రత్యేకంగా చెప్పాల్సిన పని లేదు.ఈ సినిమా సౌత్ ప్రేక్షకుల తో పాటు నార్త్ ప్రేక్షకులకు మరింతగా నచ్చింది.పుష్ప సినిమా కలెక్షన్ల సునామీ సృష్టించింది. సుకుమార్ ఈ సినిమాను తెరకెక్కించారు. ఈ సినిమా లో అల్లు అర్జున్ తన నట విశ్వరూపం చూపించారు.అలాగే ఈ సినిమాలో హీరోయిన్ రష్మిక అందాలు, సమంత ఐటెమ్ సాంగ్ సినిమాని నెక్ట్స్ లెవల్ కి తీసుకెళ్లాయి. ఈ సినిమాకి ఇటీవల రెండు జాతీయ అవార్డులు వచ్చిన విషయం తెలిసిందే.జాతీయ ఉత్తమ నటుడిగా అల్లు అర్జున్ కి నేషనల్ అవార్డు దక్కింది. మరోవైపు మ్యూజిక్ విభాగం లో దేవి శ్రీ ప్రసాద్ కూడా నేషనల్ అవార్డుకి ఎంపికయ్యారు. దీంతో మరోసారి `పుష్ప` సినిమా బాగా పాపులర్ అయింది.తరచూ చర్చనీయాంశంగా మారుతుంది.
ఈ నేపథ్యంలో తాజాగా మ్యూజిక్ డైరెక్టర్ దేవి శ్రీ ప్రసాద్ సినిమాపై ఆసక్తికర కామెంట్స్ చేసారు. `పుష్ప` సినిమా ఆస్కార్ స్థాయి కి వెళ్లాల్సిన మూవీ అని ఆయన తెలిపారు. ఓ ఇంటర్వ్యూ లో భాగంగా రాక్ స్టార్ ఈ వ్యాఖ్యలు చేశారు.`పుష్ప` సినిమా ఆస్కార్కి పంపించాల్సిన సినిమా అని, కానీ నిర్మాతలు ఎందుకు పంపలేదో తెలియడం లేదని అన్నారు. ఒకవేళ ఆస్కార్ అవార్డుల కోసం పంపించి ఉంటే కచ్చితంగా సెలబ్రేట్ చేసుకునే వార్తను వినే వాళ్లమని దేవిశ్రీ తెలిపారు. తాజాగా దేవిశ్రీప్రసాద్ చేసిన ఈ వ్యాఖ్యలు సోషల్ మీడియా లో తెగ వైరల్గా మారాయి. భవిష్యత్ లో ఆస్కార్ అందుకోవాలనే గోల్ పెట్టుకున్నారా అనే ప్రశ్నకి తాను స్పందిస్తూ, అవార్డుల కోసం తానెప్పుడూ మ్యూజిక్ చేయనని ఆయన తెలిపారు.ప్రేక్షకులని ఎంతగానో అలరించాలని ఎక్కువ మందికి నా మ్యూజిక్ రీచ్ కావాలనేదే తన మైండ్లో ఉంటుందని దేవిశ్రీ తెలిపారు