Cyclone Akvan: ఆంధ్రప్రదేశ్ వైపే వరస తుఫానులు.. బంగాళాఖాతంలో అసలేం జరుగుతోంది.?
- బంగాళాఖాతం వైపే వరస తుఫానులు..
- అర్నబ్, మురాసు తర్వాత ఏపీ తీరం వైపు దూసుకొస్తున్న ‘‘అక్వాన్’’..
- ఎల్నినో, ఇండియన్ ఓషన్ డైపోల్ వాతావరణ పరిస్థితులే కారణమని అంచనా..
- Follow Us :
-
-
Add as a preferred
source on google
Cyclone Akvan: వరస తుఫానులు ఆంధ్రప్రదేశ్ను వణికిస్తున్నాయి. బంగాళాఖాతంలో ఏర్పడుతున్న ఈ తుఫాను వ్యవస్థలపై వాతావరణ శాస్త్రవేత్తలు దృష్టిసారించారు. గత కొన్ని రోజులు వ్యవధిలోనే మూడు తుఫానులు ఏర్పడటం, ఆ మూడు కూడా ఆంధ్రప్రదేశ్ వైపే కదలడం అసాధారణంగా కనిపిస్తోంది. అయితే, ఎల్నినో (El Niño), ఇండియన్ ఓషన్ డైపోల్ (Indian Ocean Dipole) వంటి వాతావరణ వ్యవస్థలు ఇందుకు కారణమై ఉండవచ్చని భారత వాతావరణ శాఖ (IMD) డైరెక్టర్ జనరల్ డాక్టర్ మృత్యుంజయ్ మహాపాత్ర చెబుతున్నారు. 1987లో ఎల్నినో ఏర్పడిన సమయంలో కూడా ఇలాంటి వాతావరణ పరిస్థితులే కనిపించినట్లు చెబుతున్నారు. ఈ కాలంలో తుఫానులు ఏర్పడటం సాధారణమే కానీ, తక్కువ వ్యవధిలో ఇలా ప్రతీ తుఫాను ఏపీ వైపు రావడం అసాధారణమని వాతావరణ నిపుణులు చెబుతున్నారు.
ఏపీ వైపే తుఫానులు రావడానికి కారణం ఏమిటి?
ఎల్ నినో పరిస్థితులు ఏర్పడినప్పుడు దక్షిణ బంగాళాఖాతం, అల్ప అక్షాంశ ప్రాంతాల్లో తుఫాను వ్యవస్థలు ఏర్పడటానికి అనుకూలమైన పరిస్థితులు ఉంటాయని ఐఎండీ చెబుతోంది. ఇలాంటి వ్యవస్థలు తరుచుగా ఏపీ, తమిళనాడు తీరాల వైపు కదులుతాయని తెలుస్తోంది. ప్రస్తుత తుఫాను కూడా ఏపీ వైపు కదలడానికి ఈ వాతావరణ పరిస్థితులే కారణం కావచ్చని అంచనా వేస్తున్నారు. ఇదే సమయంలో హిందూ మహాసముద్రంలో ఇండియన్ ఓషియన్ డైపోల్ కూడా ఈ వాతావరణ వ్యవస్థను ప్రభావితం చేస్తుందని చెబుతున్నారు.
Also Read
- AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
- Akvan Cyclone Alert: అక్వాన్ తుఫాన్ ఎఫెక్ట్.. ఉత్తరాంధ్రకు అలర్ట్
- AP High Court: చంద్రబాబుపై కేసుల మూసివేత.. హైకోర్టు కీలక ఆదేశాలు
- AP Police: ఏపీ పోలీసుల సంచలన ఆపరేషన్.. మారేడుమిల్లి అడవుల్లో మావోయిస్టు డంప్ స్వాధీనం..
నవంబర్ 20న ఏపీని తాకనున్న అక్వాన్ తుఫాను:
నవంబర్ 20న ‘అక్వాన్’ (Akvan) తుఫాను ఏపీ తీరాన్ని తాకే అవకాశం ఉంది. దీనికి ముందు అక్టోబర్ 28న అర్నబ్, నవంబర్ 3న మురాసు తుఫానులు ఏపీ తీరాన్ని తాకాయి. ఏపీ వ్యాప్తంగా తీవ్ర వర్షాలు, వరదలకు కారణమయ్యాయి. ఇప్పుడు మరోసారి అక్వాన్ రూపంలో వాతావరణం ఏపీపై పగబట్టింది. నవంబర్ 20న నెల్లూరు,తుని మధ్య తీరాన్ని దాటే అవకాశం ఉంది. తీరాన్ని దాటే సమయంలో గాలి వేగం గంటలకు 120 నుంచి 130 కిలోమీటర్ల వరకు ఉంటుందని అంచనా వేస్తున్నారు. ఈదురుగాలుల వేగం 145 కిలోమీటర్లకు కూడా చేరొచ్చని చెబుతున్నారు. నవంబర్ 17 నాటికి తీవ్ర తుఫానుగా, నవంబర్ 19 నాటికి అతి తీవ్ర తుఫానుగా బలపడే అవకాశం ఉందని వాతావరణ సంస్థ అంచనా వేస్తోంది.
ఏపీలో భారీ వర్షాలు.. తెలంగాణ, ఒడిశాపై ప్రభావం..
అక్వాన్ తుఫాను ప్రభావంతో ఏపీ తీర ప్రాంత జిల్లాల్లో ఎక్కువ ప్రభావం ఉండే అవకాశం ఉంది. నవంబర్ 19, 20 తేదీల్లో భారీ నుంచి అతి భారీ వర్షాలు కురవవచ్చని, కొన్ని ప్రాంతాల్లో 24 గంటల వ్యవధిలోనే 20 నుంచి 30 సెంటీమీటర్ల వర్షపాతం నమోదయ్యే అవకాశం ఉందని తెలుస్తోంది. ఈ తుఫాను ప్రభావం దక్షిణ ఒడిశా జిల్లాలు, తూర్పు తెలంగాణ జిల్లాల్లో కూడా కనిపించొచ్చని అంచనా వేస్తున్నారు. తీరం దాటిన తర్వాత తుఫాన బలహీనపడి దక్షిణ ఛత్తీస్గఢ్, దక్షిణ ఒడిశా వైపు కదిలే అవకాశం ఉంది.
తాజావార్తలు
-
Gold Adulteration Alert: బంగారం కొనేవారికి బిగ్ అలర్ట్.. పసిడిలో రీనియం పౌడర్ కల్తీ?.. 24 క్యారెట్స్ పరీక్షలోనూ పాస్!
-
Bangladesh Violence: హింస గుప్పిట్లో బంగ్లాదేశ్.. మహ్మద్ యూనస్ ఇంటికి నిప్పు.. దేశవ్యాప్తంగా బాంబు పేలుళ్లు!
-
Cheyutha Pensions: చేయూత పెన్షన్లు, ఇందిరమ్మ చీరల పంపిణీకి తేదీ ఫిక్స్..
-
Koti Deepotsavam 2026 Day 6: కార్తీక శుద్ధ దశమి.. కోటి దీపోత్సవంలో నేటి విశేష కార్యక్రమాలు ఇవే..!
-
AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..