Unclaimed Deposits : బ్యాంకుల్లో కోట్ల బినామీ సొమ్ము.. వారసుల అన్వేషణలో కేంద్రం

Unclaimed Deposits : దేశంలోని బ్యాంకుల్లో లెక్కకు మించి క్లెయిమ్ చేయని సొమ్ము నిలిచిపోయింది. వేల కోట్ల రూపాయలు దిక్కులేకుండా బ్యాంకుల్లో పడి ఉన్నాయి. ఈ మొత్తానికి యజమానులు లేకపోవడంతో సెంట్రల్ బ్యాంక్ (ఆర్‌బీఐ)తో పాటు కేంద్ర ప్రభుత్వం ఆందోళన చెందుతోంది. ఈ మొత్తానికి వారసులు ఎవరనే కోణంలో దర్యాప్తు కొనసాగుతోంది. గత ఏడాది రెపో రేటులో ఎలాంటి మార్పు లేదు. ఈ విషయాన్ని ఆర్బీఐ గవర్నర్ శక్తికాంత దాస్ అప్పట్లోనే తెలియజేశారు. భారతీయ బ్యాంకుల్లో వేల కోట్ల రూపాయలు పడి ఉన్నాయి. కానీ, ఆ నగదును క్లెయిమ్ చేసేందుకు నిజమైన యజమాని లేదు. ఈ మొత్తానికి నిజమైన యజమానులను త్వరలోనే కనుక్కుంటామని ఆయన తెలిపారు.

రూ.35,012 కోట్లు ఎవరిది?
చాలా మంది ఖాతాదారులకు భారతీయ బ్యాంకుల్లో డబ్బు ఉంది. ఖాతా తెరిచిన తర్వాత.. వారు ఆ ఖాతాల్లో డబ్బు మొత్తాన్ని డిపాజిట్ చేశారు. కొందరు ఫిక్స్‌డ్ డిపాజిట్లు ఉంచారు. ఈ విషయాన్ని డబ్బు దాచిన వారు కుటుంబ సభ్యులకు తెలియజేయలేదు. ఖాతాదారు చనిపోయిన తర్వాత ఈ మొత్తం అలాగే ఉండిపోతుంది. దేశంలోని పలు బ్యాంకుల్లో దాదాపు రూ.35,012 కోట్లు ఉన్నాయి. మార్చి 2022లో ఈ మొత్తం రూ.48,262లకు చేరుకుంది.

Read Also: Metro Free Service: మెట్రో ప్రయాణికులకు శుభవార్త ! మీరు ఈ కోవకు చెందితే ఫ్రీగా తిరగొచ్చు

ఇదే పరిష్కారం అవుతుంది
ఖాతా తెరిచిన బ్యాంకు వినియోగదారులు ఫిక్స్‌డ్ డిపాజిట్లలో పెట్టుబడి పెట్టారు. వారి సొమ్ము అన్ క్లెయిమ్ చేయని డిపాజిట్లలోకి వెళ్లకుండా చూసేందుకు సెంట్రల్ బ్యాంక్ రంగంలోకి దిగింది. అందుకోసం ఒక వ్యవస్థను రూపొందిస్తున్నారు. ఈ వ్యవస్థ కృత్రిమ మేధస్సుపై పని చేస్తుంది. అందుకోసం వెబ్ పోర్టల్ సిద్ధం చేస్తున్నారు. అందువల్ల, క్లెయిమ్ చేయని మొత్తం గురించి సరైన సమాచారం బయటకు వస్తుంది. అలాగే వేల కోట్ల రూపాయలకు వారసులెవరో ఆరా తీయవచ్చు.

అన్‌క్లెయిమ్ డిపాజిట్లు అంటే ఏమిటి ?
ఒక వ్యక్తి ఖాతా తెరిచిన తర్వాత అతను దానిలో కొంత లావాదేవీలను నిర్వహిస్తారు. తను సంపాదించిన దాంట్లో కొంత మొత్తాన్ని డిపాజిట్ చేశాడు. కొద్దిరోజుల తర్వాత ఈ ఖాతా గురించి మరిచిపోతాడు. పదేళ్లలోపు ఈ ఖాతాలో సొమ్ము జమకాకపోయినా లేదా విత్‌డ్రా చేయకపోయినా కేంద్ర ప్రభుత్వం ఆ ఖాతాను అన్‌క్లెయిమ్డ్ డిపాజిట్‌గా పరిగణిస్తుంది. ఎవరైనా ఈ మొత్తాన్ని క్లెయిమ్ చేసి, రుజువులు సమర్పిస్తే, ఈ మొత్తం ఆ వ్యక్తికి లేదా అతడి వారసులకు ఇవ్వబడుతుంది.

Read Also: Vijay Deverakonda: నీ లైనప్ కి దండం పెట్టాలి కొండన్న…

ప్రత్యేక మిషన్
ఆర్థిక స్థిరత్వం, అభివృద్ధి మండలి ఇటీవల సమావేశమైంది. అందులో క్లెయిమ్ చేయని మొత్తాల సెటిల్మెంట్ కోసం ప్రత్యేక డ్రైవ్ ప్రారంభించాలని ఆర్థిక మంత్రి నిర్మలా సీతారామన్ కోరారు. ఈ మొత్తం బ్యాంకింగ్ షేర్లు, డివిడెండ్‌లు, మ్యూచువల్ ఫండ్స్ లేదా ఇన్సూరెన్స్ మొదలైన వాటి రూపంలో ఉంటుంది.