Adilabad High Court: బాంకే బిహారీ మందిర్ కారిడార్‌ నిర్మాణం.. ఆమోదించిన హైకోర్టు

Adilabad High Court: మధురలో బాంకే బిహారీ మందిర్ చాల ప్రసిద్దమైన ఆలయం. నిత్యం అధిక సంఖ్యలో భక్తులు ఆలయానికి వస్తారు. అయితే ఈ ఆలయ ప్రాంగణం చాల చిన్నదిగా ఉండడంతో నిత్యం ఏదో ఒక ప్రమాదం జరుగుతూనే ఉండేది. అలానే దొంగతనాలు కూడా ఎక్కువగా జరుగుతున్నాయి. ఈ నేపథ్యంలో రాష్ట్ర ప్రభుత్వం ఆలయ ప్రాంగణాన్ని విస్తరించేందుకు 5 ఎకరాల భూమిని సేకరించింది. అలానే ప్రాంగణాన్ని విస్తరించేందుకు ప్రణాలికను రూపొందించింది. ఆ ప్రణాళికలను అలహాబాద్ హైకోర్టు ముందు ఉంచింది. కాగా గత కొంతకాలంగా పెండింగ్ లో ఉన్న ఈ కేసు విచారణ నిన్న ఓ కొలిక్కి వచ్చింది. సోమవారం ఈ కేసును విచారించిన చీఫ్‌ జస్టిస్‌ ప్రితింకర్‌ దివాకర్‌, జస్టిస్‌ అశుతోష్‌ శ్రీవాస్తవల కలిసి ఓ ఆలయ ప్రాంగణ నిర్మాణానికి ఆమోదం తెలుపుతూ తీర్పు ఇచ్చారు.

Read also:Uttarkashi Tunnel: ఎట్టకేలకు టన్నెల్లో 41మంది కనిపించారు.. కానీ వీడియో చూస్తే దారుణం

అలానే ఆక్రమణలకు గురైన ఆలయం చుట్టుపక్కల ఉన్న భూమి సమస్యపై స్పందించిన అలహాబాద్ హైకోర్డు ఆలయానికి వెళ్లే రహదారుల ఆక్రమణలను తొలగించడానికి తగిన చర్యలు తీసుకునేందుకు రాష్ట్ర ప్రభుత్వానికి కూడా స్వేచ్ఛ ఉందని. ఈ పథకం అమలులోకి వచ్చిన తర్వాత, ఆలయానికి వెళ్లే మార్గాల్లో ఇకపై ఎలాంటి ఆక్రమణలు జరగకుండా చూసుకోవాల్సిన బాధ్యత రాష్ట్ర ప్రభుత్వానిదే అని హై కోర్టు పేర్కొంది. ఈ క్రమంలో న్యాయ ప్రయోజనాల దృష్ట్యా ఈ తీర్పు ఇచ్చినట్లు పేర్కొంది. అలానే పథకాన్ని అమలు చేయడానికి, ఆ ప్రాంతం లోని సాంకేతిక నిపుణులతో సంప్రదించి ముందుకు వెళ్లాల్సిందిగా సూచించింది. కాగా ఈ ప్రణాళిక ప్రకారం పార్కింగ్ ఏరియా వంటి సౌకర్యాలను కూడా ప్రభుత్వం కల్పిస్తుంది అలానే దాని ఖర్చులను కూడా ప్రభుత్వం భరిస్తుంది.