CM Chandrababu: అక్కడే కూటమికి బీజం పడింది.. సీఎం చంద్రబాబు కీలక వ్యాఖ్యలు!
- Follow Us :
-
-
Add as a preferred
source on google
ఆంధ్రప్రదేశ్ను తిరిగి అభివృద్ధి పథంలోకి తీసుకెళ్లేందుకు కూటమి ప్రభుత్వం కట్టుబడి ఉందని ముఖ్యమంత్రి, టీడీపీ జాతీయ అధ్యక్షుడు చంద్రబాబు నాయుడు అన్నారు. గతంలో రాష్ట్రంలో చోటుచేసుకున్న పరిణామాలను గుర్తు చేసుకుంటూ భవిష్యత్తు కోసం ప్రణాళికలు రూపొందించుకోవచ్చని పేర్కొన్నారు. రాష్ట్రంలో విధ్వంసం ప్రజావేదిక నుంచే ప్రారంభమైందని వ్యాఖ్యానించారు. తనకు నోటీసులు ఇవ్వకుండానే అరెస్టు చేశారని, ప్రాథమిక హక్కులను పట్టించుకోలేదని ఆరోపించారు. ఆ పరిణామాల నుంచే కూటమికి బీజం పడిందని చంద్రబాబు తెలిపారు. స్థానిక ఎన్నికల నేపథ్యంలో ఉండవల్లిలోని సీఎం క్యాంపు కార్యాలయంలో కూటమి నేతలు ఈరోజు మీడియా సమావేశం నిర్వహించారు.
‘టీడీపీ ఎన్నో విజయాలు సాధించినప్పటికీ 2024 ఎన్నికల్లో వచ్చిన ఫలితం ప్రత్యేకమైనది. ఆ ఎన్నికల్లో కూటమికి 56.5 శాతం ఓట్లను ప్రజలు అందించారు. గతంలో దెబ్బతిన్న రాష్ట్రాన్ని తిరిగి పూర్వ వైభవానికి తీసుకొస్తామని ప్రజలకు హామీ ఇచ్చాము. రాష్ట్ర అభివృద్ధికి కేంద్ర ప్రభుత్వ సహకారం, ఉప ముఖ్యమంత్రి పవన్ కల్యాణ్ మద్దతుతో పాటు మూడు పార్టీల నాయకులు సమన్వయంతో పనిచేయడం అవసరం. ఒకవైపు ఎల్నినో కారణంగా సంక్షోభ పరిస్థితులు ఎదురయ్యే అవకాశం ఉండగా.. మరోవైపు అర్నబ్ తుఫాన్ ముప్పు పొంచి ఉంది. తుఫాన్ నిమిషానికోసారి దిశ మార్చుకునే అవకాశం ఉన్నందున అధికారులు అప్రమత్తంగా ఉండాలి. ఈరోజు, రేపు విస్తారంగా వర్షాలు కురిసే అవకాశం ఉంది. గంటకు 160 కిలోమీటర్ల వేగంతో ఈదురుగాలులు వీచే ప్రమాదం ఉంది. తుఫాన్ పరిస్థితులపై నేను, పవన్ కల్యాణ్, మూడు పార్టీల నాయకులు సమీక్షలు నిర్వహిస్తున్నాము. ప్రాణ, ఆస్తి నష్టాలను తగ్గించేందుకు అధికారులకు అవసరమైన సూచనలు ఇస్తున్నాము. ప్రతి గంటకూ తుఫాన్కు సంబంధించిన బులెటిన్ విడుదల చేస్తూ ప్రజలను అప్రమత్తం చేస్తాము’ అని సీఎం పేర్కొన్నారు.
Also Read
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Surya Kumar Yadav: టీమ్లోకి మళ్లీ సూర్యకుమార్ యాదవ్..? బ్యాటింగ్లో మరోసారి విధ్వంసం..
- Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
- Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
స్థానిక సంస్థల ఎన్నికల్లో కూటమికి మద్దతు ఇవ్వాలని సీఎం చంద్రబాబు ప్రజలను కోరారు. గ్రామీణ, పట్టణ ప్రాంతాల్లో స్థానిక సంస్థలను బలోపేతం చేయడంతో పాటు వాటికి సకాలంలో నిధులు విడుదల చేయాల్సిన అవసరం ఉందన్నారు. స్థానిక ప్రజాప్రతినిధులు ప్రజలకు అందుబాటులో ఉంటూ అభివృద్ధి పనులపై దృష్టి సారించాలని సూచించారు. ఈసారి పట్టణ ప్రాంతాల్లో ప్రత్యక్ష ఎన్నికలు జరగనున్నాయని, విద్యావంతులు అభ్యర్థులుగా ముందుకు వస్తున్నారని తెలిపారు. ప్రత్యక్ష ఎన్నికల విధానం ద్వారా పాలనలో స్థిరత్వం ఏర్పడి, ప్రజాప్రతినిధులు అభివృద్ధిపై మరింత దృష్టి పెట్టేందుకు అవకాశం ఉంటుందని అభిప్రాయపడ్డారు. ఎన్నికల సమయంలో ప్రజలకు ఇచ్చిన హామీలను అమలు చేయడమే కూటమి ప్రభుత్వ లక్ష్యమని చంద్రబాబు స్పష్టం చేశారు. ‘సూపర్ సిక్స్’ పథకాలకే పరిమితం కాకుండా, ప్రజలకు ఇచ్చిన ఇతర హామీలను కూడా అమలు చేస్తున్నామని పేర్కొన్నారు. చెప్పిన పనులను చేసి చూపించాలన్న విధానంతోనే ముందుకు సాగుతున్నామని సీఎం తెలిపారు.
మూడు పార్టీల మధ్య ఉన్న సమైక్యత, పరస్పర సహకారంతో రాష్ట్రంలో అభివృద్ధి కార్యక్రమాలను ముందుకు తీసుకెళ్తున్నామని సీఎం చంద్రబాబు అన్నారు. గతంలో తీవ్ర ఆర్థిక, పరిపాలనా ఇబ్బందులు ఎదుర్కొన్న రాష్ట్రానికి తిరిగి ఊపిరి పోసి, అభివృద్ధి దిశగా నడిపించేందుకు కూటమి ప్రభుత్వం కృషి చేస్తోందని పేర్కొన్నారు. కరెంట్ ఛార్జీలు పెంచలేదని, పైగా ట్రూఆప్ ఛార్జీలు తగ్గించామన్నారు. రాయలసీమ గ్రీన్ ఎనర్జీ హబ్గా తయారవుతోందని.. ఈజ్ ఆఫ్ డూయింగ్ బిజినెస్ నుంచి స్పీడ్ ఆఫ్ డూయింగ్ బిజినెస్కు వెళ్లామన్నారు. పెట్టుబడిదారులకు ఇబ్బంది లేకుండా చేస్తున్నాం అని సీఎం చంద్రబాబు చెప్పుకొచ్చారు.
తాజావార్తలు
-
Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
-
Surya Kumar Yadav: టీమ్లోకి మళ్లీ సూర్యకుమార్ యాదవ్..? బ్యాటింగ్లో మరోసారి విధ్వంసం..
-
Bollywood : ఒకవైపు రణ్వీర్ సింగ్, మరోవైపు రణ్బీర్ కపూర్.. స్టార్ పవరా? సీక్వెల్స్ క్రేజా?
-
Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
-
Sai Pallavi : జుట్టు కట్ చేస్తున్నానని తెలిసి మా అమ్మ ఫోన్ కట్ చేసింది.. పెద్ద దుమారమే రేపింది
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!