Abhijeet Dipke: కాక్రోచ్ జనతా పార్టీ(CJP) మరోసారి వీధుల్లోకి వస్తామని ప్రకటించింది. అక్టోబర్ 10న ఢిల్లీలో నిరసన సందర్భంగా విమానం నుంచే సీజేపీ కన్వీనర్ అభిజిత్ దీప్కే, కోకన్వీనర్లు అశుతోష్ రాంకా, సౌరవ్ దాస్‌లను పోలీసులు అరెస్ట్ చేశారు. శనివారం ఉదయం వీరిని ఢిల్లీలోని స్పెషల్ ఎగ్జిక్యూటివ్ మేజిస్ట్రేట్ ముందు హాజరుపరిచారు. రూ. 50,000 పూచీకత్తుతో కూడిన బెయిల్ బాండ్‌పై వీరిని విడుదల చేసినట్లు మీడియా నివేదించింది.
కోర్టు షరతులతో కూడిన బెయిల్ మంజూరు చేసిందని సీజేపీ లీగర్ హెడ్ రత్నా సింగ్ చెప్పింది. ఏడాది పాటు శాంతిభద్రతలకు విఘాతం కలిగించకూడదనే షరతుతో కోర్టు దీప్కే, రాంకా, దాస్‌లను విడుదల చేసినట్లు సీజేపీ న్యాయవాది తెలిపారు. బీఎన్ఎస్ఎస్ లోని సెక్షన్ 126 (శాంతికి భంగం కలిగించడం), సెక్షన్ 170 (గుర్తించదగిన నేరం జరగకుండా నిరోధించడానికి అరెస్టు చేయడం) కింద పోలీసులు వారిపై చర్య తీసుకున్నారు.
ఇదిలా ఉంటే, ఇప్పుడు అభిజిత్ దీప్కే సంచలన ప్రకటన చేశారు. సీజేపీ ఎలాంటి నిరసన తెలపదని తెలిపే ఎలాంటి బాండ్‌పైనా సంతకం చేయలేదని స్పష్టం చేశారు. ‘‘మేము మళ్లీ వీధుల్లోకి వస్తాం’’ అని ట్వీట్ చేశారు. తాము నిరసన తెలుపబోమనే ఎలాంటి బాండ్‌పైన సంతకం చేయలేదని స్పష్టం చేశారు.
Haven’t signed any bond that says we won’t protest. We will hit the streets again.
— Abhijeet Dipke (@abhijeet_dipke) October 11, 2026