CJP Leaders Released: సీజేపీ నాయకులకు బిగ్ రిలీఫ్.. అభిజీత్, సౌరవ్, అశుతోష్, ధృవ్ రాఠీ విడుదల..
- Follow Us :
-
-
Add as a preferred
source on google
CJP Leaders Released: చీఫ్ ఎలక్షన్ కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ చేపట్టిన నిరసనల్లో భాగంగా ఢిల్లీ పోలీసులు అదుపులోకి తీసుకున్న ‘కాక్రోచ్ జనతా పార్టీ’ (CJP) నాయకులు అభిజీత్ దిప్కే, సౌరవ్ దాస్, అశుతోష్ రాంకాలను ఆదివారం అధికారులు విడుదల చేశారు. శనివారం వీరు ముంబై నుంచి ఎయిర్ ఇండియా విమానంలో ఢిల్లీకి చేరుకోగానే విమానం లోపలే పోలీసులు వీరిని అదుపులోకి తీసుకున్నారు. ఆ తర్వాత ఢిల్లీ కంటోన్మెంట్లోని అడిషనల్ సిటీ మేజిస్ట్రేట్ (ACM) కోర్టు ముందు ప్రవేశపెట్టారు. కోర్టు నుంచి విడుదలయ్యాక, “చివరకు ఢిల్లీ పోలీసులు అభిజీత్, అశుతోష్, సౌరవ్లను విడుదల చేయక తప్పలేదు. దీంతో “కాక్రోచ్లు ఎప్పటికీ చావవు” అంటూ సీజేపీ తన అధికారిక X (ట్విట్టర్) ఖాతాలో పోస్ట్ చేసింది.
శనివారం విమానం ల్యాండ్ అయిన వెంటనే మహిళా సిబ్బందితో కూడిన ఢిల్లీ పోలీసు బృందం లోపలికి వెళ్లి వీరిని అదుపులోకి తీసుకుంది. ప్యాసింజర్లు అంతా చూస్తుండగా, ఫోన్లలో రికార్డ్ చేస్తుండగా ఈ డ్రామా జరిగింది. “నేను అరెస్ట్ కావడానికే ఢిల్లీకి వచ్చాను” అంటూ అభిజీత్ దిప్కే పోలీసులతో వాగ్వాదానికి దిగిన వీడియోలు సోషల్ మీడియాలో బాగా వైరల్ అయ్యాయి. మరోవైపు, నిరసనలకు ముందే గుర్గావ్లోని తన ఇంట్లో అదుపులోకి తీసుకున్న ప్రముఖ యూట్యూబర్, ఇన్ఫ్లుయెన్సర్ ధృవ్ రాఠీని కూడా ఆదివారం వేకువజామున 3 గంటల ప్రాంతంలో విడుదల చేశారు. వీరికి సంబంధించి సీజేపీ లీగల్ టీమ్ హెడ్ రత్నా సింగ్ స్పందిస్తూ.. నాయకులను మేజిస్ట్రేట్ ముందు ప్రవేశపెట్టనున్నట్లు తమకు సమాచారం ఉందంటూ, తాము ఢిల్లీ కాంట్ పోలీస్ స్టేషన్ వద్ద లీగల్ టీమ్తో ఉంటామని శనివారమే సోషల్ మీడియా ద్వారా వెల్లడించారు.
Also Read
- Shubman Gill: ‘135 పరుగులే కదా.. ఈజీగా ఛేజ్ చేయొచ్చనుకున్నా కానీ’.. భారత్ థ్రిల్లింగ్ విక్టరీపై కెప్టెన్ రియాక్షన్..
- Konaseema: తండ్రి వైసీపీ.. కూతురు టీడీపీ.. ఎన్నికల్లో ఇద్దరూ గెలుపు..
- Cheyutha Pensions: గుడ్న్యూస్.. దీపావళి కానుకగా 4.5 లక్షల మందికి కొత్తగా చేయూత పింఛన్లు..
- Tesla Cybertruck: "మూడేళ్లకే కథ ముగిసింది".. టెస్లా 'సైబర్ ట్రక్' ఉత్పత్తిని నిలిపేస్తున్నట్లు మస్క్ ప్రకటన..
ఇంతకీ అసలు ఈ ముందస్తు నిర్బంధం (ప్రివెంటివ్ డిటెన్షన్) అంటే ఏమిటి?
భవిష్యత్తులో ఏదైనా నేరం జరగకుండా లేదా శాంతిభద్రతలకు విఘాతం కలగకుండా నిరోధించడానికి పోలీసులు ఈ చర్యలు తీసుకుంటారు. పోలీసులు ఒకరిని వారెంట్ లేకుండా అరెస్టు చేస్తే, సరైన న్యాయపరమైన అనుమతి లేకుండా 24 గంటలకు మించి కస్టడీలో ఉంచకూడదు. కొత్తగా వచ్చిన భారతీ నాగరిక్ సురక్ష సంహిత (BNSS) చట్టంలో సెక్షన్ 126 ప్రకారం ప్రశాంతతను కాపాడేందుకు బాండ్ దాఖలు చేయమని మేజిస్ట్రేట్ కోరవచ్చు. అలాగే సెక్షన్ 170 ప్రకారం కాగ్నిజబుల్ నేరం జరిగే అవకాశం ఉందని భావిస్తే పోలీసులు ముందస్తు అరెస్టు చేయవచ్చు, కానీ మేజిస్ట్రేట్ అనుమతి లేకుండా 24 గంటలు దాటి ఉంచడానికి కుదరదు. మరోవైపు, సీనియర్ నాయకులు ముందస్తు నిర్బంధంలో ఉన్నప్పటికీ, సీజేపీ తన పోరాటాన్ని ఆపలేదు. ఓటర్ల జాబితాల్లో అక్రమాలు జరిగాయని ఆరోపిస్తూ చీఫ్ ఎలక్షన్ కమిషనర్ జ్ఞానేష్ కుమార్ రాజీనామా డిమాండ్తో ఆదివారం ఉదయం 10 గంటలకు జంతర్ మంతర్ వద్ద మళ్లీ భారీ మార్చ్కి పిలుపునిచ్చింది. అయితే, భద్రతా కారణాల వల్ల పోలీసులు ఈ నిరసనకు ముందే అనుమతి నిరాకరించారు. ఈ ఆందోళనలో సీజేపీతో పాటు ఆల్ ఇండియా స్టూడెంట్స్ అసోసియేషన్ (AISA) కూడా భాగమైంది.
తాజావార్తలు
-
Megaverse: ఒకే ఫ్రేమ్లో చిరంజీవి, పవన్, రామ్ చరణ్.. నెట్ఫ్లిక్స్లో మెగా సునామీ!
-
Shubman Gill: ‘135 పరుగులే కదా.. ఈజీగా ఛేజ్ చేయొచ్చనుకున్నా కానీ’.. భారత్ థ్రిల్లింగ్ విక్టరీపై కెప్టెన్ రియాక్షన్..
-
Konaseema: తండ్రి వైసీపీ.. కూతురు టీడీపీ.. ఎన్నికల్లో ఇద్దరూ గెలుపు..
-
CBI Arrest: విశాఖపట్నంలో లంచం తీసుకుంటూ సీబీఐకి చిక్కిన అధికారి
-
Cheyutha Pensions: గుడ్న్యూస్.. దీపావళి కానుకగా 4.5 లక్షల మందికి కొత్తగా చేయూత పింఛన్లు..
ట్రెండింగ్
-
Indian Pacers Dominance: భారత పేసర్ల దెబ్బకు విలవిల.. 25 ఏళ్ల తర్వాత చెత్త రికార్డు మూటగట్టుకున్న న్యూజిలాండ్..!
-
Virat Kohli Record: చేసింది ఏడు పరుగులే.. అయినా పాంటింగ్ ఆల్టైమ్ రికార్డు బద్దలు కొట్టిన విరాట్ కోహ్లీ..!
-
Surekha Vani: వైరల్ వీడియోపై రిప్లై.. అకౌంట్ హ్యాక్ అయిందంటూ..!
-
IND vs NZ 2nd ODI: 134 పరుగులకే న్యూజిలాండ్ ఆలౌట్.. 4 వికెట్లతో అదరగొట్టిన గర్నూర్ బ్రార్..!
-
స్పోర్టీ లుక్, 420cc ట్విన్ సిలిండర్ ఇంజిన్తో BMW నుంచి కొత్త F 450 GS Sport బైక్ లాంచ్..!