Chittoor: లిక్కర్ వ్యాన్ బోల్తా.. బాటిళ్ల కోసం ఎగబడ్డ జనం.!

Chittoor: అసలే అది లిక్కర్ వ్యాన్.. ఆపై బోల్తా పడింది. ఇంకేముంది జనానికి పండగే పండుగ. బాటిల్ల కోసం మామూలుగా ఎగబడలేదు పబ్లిక్. కార్టన్లకు కార్టన్ను లేపేశారు. ఆడా మగ తేడా లేకుండా సరుకు మొత్తం దాదాపు ఖాళీ చేశారు. చిత్తూరు జిల్లా బసరెడ్డిపల్లి సమీపంలో జరిగింది ఈ ఘటన. లిక్కర్ లోడుతో వెళ్తున్న వాహనం అదుపు తప్పి బోల్తా పడింది. అందులోని మధ్యం సీసాలు రోడ్డుపై పడగా ఆ మార్గంలో వెళ్ళేవారంతా ఒక్కసారిగా ఎగబడ్డారు. లుంగీలు టవల్లు చీర కొంగుల్లో సీసాలు నింపుకెళ్ళారు. నిమిషాల్లో బాటిల్స్ ఖతం చేశారు.

పాపం బోల్తా పడిన వ్యాన్ డ్రైవర్ క్లీనర్ పరిస్థితి ఎలా ఉందో కూడా కనీసం చూడకుండా మందు సీసాలు పోతే దొరకవు అన్నట్టుగా కొట్టుకున్నారు. కాసేపటికి పోలీసులు రావడంతో సీన్ మారిపోయింది. జనం మెల్లిగా అక్కడి నుంచి జారుకున్నారు. దాంతో కొన్ని సీసాలైనా మిగిలాయి. ప్రస్తుతం ఇందుకు సంబంధించిన విజువల్స్ సోషల్ మీడియాలో వైరల్ గా మారాయి.