Thaman: మెగా బాస్ చిరంజీవి – యంగ్ డైరెక్టర్ బాబీ కాంబినేషన్లో సినిమా రాబోతున్న విషయం తెలిసిందే. ఈ ప్రతిష్టాత్మక చిత్రాన్ని ప్రముఖ నిర్మాణ సంస్థ KVN ప్రొడక్షన్స్ అత్యంత భారీ బడ్జెట్తో నిర్మిస్తోంది. ఈ చిత్రంలో చిరంజీవి సరసన నేషనల్ అవార్డ్ విన్నర్ ప్రియమణి, ఆయన కుమార్తెగా యంగ్ హీరోయిన్ అనశ్వర రాజన్ నటించనున్నట్లు సమాచారం. ఇదే సమయంలో ఈ సినిమాకు సంబంధించి ఒక క్రేజీ న్యూస్ సోషల్ మీడియా వేదికగా వైరల్ అవుతుంది.
READ ALSO: Free Stay in Dubai : దుబాయ్లో చిక్కుకున్నారా.? ఈ హోటల్స్లో ఉచితంగా బస చేయండి.!
మెగాస్టార్ – బాబీ సినిమాకు సంగీతం అందించడానికి ముందుగా ఏఆర్ రెహమాన్ పేరు వినిపించింది. అయితే తాజా సమాచారం ప్రకారం ఈ క్రేజీ సినిమాకు తమన్ మ్యూజిక్ అందించబోతున్నారని సినీ సర్కిల్లో జోరుగా ప్రచారం జరుగుతుంది. ఈ సినిమా ఏప్రిల్ 9 నుంచి సెట్ మీదకు వెళ్తుందని సమాచారం. దీనికి సంబంధించి అధికారిక ప్రకటన చిత్ర బృందం నుంచి రావాల్సి ఉంది. ఈ సినిమాకు సంబంధించి ఇటీవలే ఒక క్రేజీ రూమర్ కూడా వైరల్ అయిన సంగతి తెలిసిందే. నటుడిగా కెరీర్ ప్రారంభించి, స్టార్ ప్రొడ్యూసర్గా ఎదిగిన బండ్ల గణేష్, చాలా కాలం తర్వాత ఈ సినిమాలో ఒక కీలక పాత్ర పోషించబోతున్నారట. గతంలో ‘వాల్తేరు వీరయ్య’తో మెగాస్టార్కు వంద కోట్ల వసూళ్లు అందించిన బాబీ, ఈసారి అంతకు మించిన యాక్షన్ డ్రామాను సిద్ధం చేసి, ప్రేక్షకులకు, మెగా అభిమానులకు అదిరిపోయే గిఫ్ట్ ఇవ్వడానికి రెడీ అవుతున్నారని చెబుతున్నారు.