Vishwaksen: వరుస హిట్‌లతో దూసుకుపోతున్న మాస్ కా దాస్ విశ్వక్ సేన్ మొదటి సారి ఓ అమ్మాయి గెటప్‌లో కనిపించనున్నాడు. గామి, గ్యాంగ్స్‌ ఆఫ్ గోదావరి చిత్రాలతో ప్రేక్షకులను అలరించిన విశ్వక్.. త్వరలో ‘లైలా’ అనే చిత్రంలో అమ్మాయి గెటప్‌లో అదరగొట్టనున్నట్టు తెలుస్తోంది. షైన్ స్క్రీన్స్ నిర్మాణంలో రామ్ నారాయణ్ దర్శకత్వంలో విశ్వక్ సేన్ ‘లైలా’ సినిమా చేస్తున్నాడు. ఈ క్రమంలో సినిమా అనౌన్స్ చేసినప్పట్నుంచి అభిమానుల్లో ఆసక్తి నెలకొంది. ఇప్పటివరకు మాస్ క్యారెక్టర్స్ చేస్తున్న విశ్వక్ సేన్ మొదటిసారి అమ్మాయిగా నటిస్తుండడంతో ఈ సినిమా కోసం అభిమానులు ఎదురుచూస్తున్నారు. రొమాంటిక్ యాక్షన్ ఎంటర్‌టైనర్‌గా రూపొందించబడిన రామ్ నారాయణ్ విశ్వక్సేన్‌ను లైలాగా మునుపెన్నడూ లేని పాత్రలో ప్రదర్శించడానికి శక్తివంతమైన స్క్రిప్ట్‌ను సిద్ధం చేశారు. అటువంటి ధైర్యమైన, కఠినమైన పాత్రను అంగీకరించడం శారీరకంగా, మానసికంగా చాలా సవాలుతో కూడుకున్నది.
Read Also: Kalki2898AD: ఓరినాయనో.. త్రీడీ కళ్ల జోళ్ల తో నిర్మాతకు కోటి రూపాయలా..!
త్వరలోనే ఈ సినిమా షూటింగ్ ప్రారంభం కానుంది. ఇవాళ సినిమా పూజా కార్యక్రమం జరిగింది. ఈ చిత్రంలో ఆకాంక్ష శర్మ హీరోయిన్‌గా నటిస్తోంది. ఈ సినిమాకు సంబంధించి ఫస్ట్ లుక్‌ను విడుదల చేశారు. ఈ లుక్‌లో విశ్వక్ అమ్మాయిలా రెడీ అయ్యాడు. ఈ ఫస్ట్ లుక్‌లో క్లోజ్‌గా కళ్లు మాత్రమే కనపడేలా పోస్టర్ రిలీజ్‌ చేశారు. సినీ మేకర్స్ లైలా ఐ లుక్‌ని ఆవిష్కరించారు. లైలాగా విశ్వక్ సేన్ తన అందచందాలతో వచ్చారు. విశ్వక్‌సేన్‌కు ఇది అందమైన మేక్ఓవర్. విశ్వక్ సరిగ్గా అమ్మాయిలా కనిపించడం వల్ల లుక్ అద్భుతంగా ఉంది. ఫిమేల్ గెటప్‌లో విశ్వక్‌లా మరే నటుడు కనిపించి ఉండరనడంలో సందేహం లేదు. ఆ పాత్రకు ఆయన ఎంతవరకు సూట్ అయ్యాడో ఆ కళ్లను చూస్తేనే అర్థమవుతుంది. లైలా మనోహరమైన కాంతి అది స్త్రీ పాత్ర అని నమ్మేలా చేస్తుంది. లైలా చిత్రబృందం విడుదల చేసిన పోస్టర్ వైరల్‌గా మారింది. ఈ సినిమా వచ్చే సంవత్సరం వాలెంటైన్స్ డే ఫిబ్రవరి 14న విడుదల చేస్తామని ప్రకటించారు.