టాలీవుడ్లో ఇప్పుడు ఎక్కడ చూసినా అల్లు అర్జున్ ప్రతిష్టాత్మకంగా నిర్మించిన ‘అల్లు సినిమాస్’ గురించే చర్చ. అత్యాధునిక సాంకేతికతతో, ముఖ్యంగా అద్భుతమైన డాల్బీ అట్మోస్ సౌండ్ సిస్టమ్తో ప్రారంభమైన ఈ థియేటర్, మొదటి రోజే బాక్సాఫీస్ లెక్కలను మార్చేసే రేంజ్లో ఇంపాక్ట్ చూపించింది. ఈ థియేటర్ స్క్రీన్పై ప్రదర్శించిన పలు సినిమాల గ్లింప్స్లో అందరినీ విపరీతంగా ఆకట్టుకుంది మాత్రం యంగ్ హీరో శర్వానంద్ నటిస్తున్న ‘బైకర్’ (Biker) టీజర్. సాధారణంగా ఒక సినిమా బిజినెస్ అనేది ట్రైలర్ రిలీజ్ అయ్యాక లేదా ప్రమోషన్స్ ఊపందుకున్నాక మొదలవుతుంది. కానీ ‘బైకర్’ విషయంలో సీన్ రివర్స్ అయింది. అల్లు సినిమాస్లోని హై-ఎండ్ సౌండ్ సిస్టమ్లో ఈ సినిమా టీజర్ విజువల్స్, బ్యాక్గ్రౌండ్ స్కోర్ విన్న సినీ ప్రియులు, ఇండస్ట్రీ వర్గాలు అవాక్కయ్యాయి. ఆ సౌండ్ డిజైనింగ్ సినిమా రేంజ్ను ఒక్కసారిగా ఎక్కడికో తీసుకెళ్లిపోయింది.
Also Read:Vijay Sethupathi: నేను నిర్మించిన సినిమాలన్నీ నష్టాలే మిగిల్చాయి
థియేటర్లో టీజర్ క్రియేట్ చేసిన ఇంపాక్ట్ చూసి ఆంధ్ర, కర్ణాటకకు చెందిన టాప్ డిస్ట్రిబ్యూటర్లు ఇప్పుడు ‘బైకర్’ థియేట్రికల్ రైట్స్ కోసం పోటీ పడుతున్నట్లు సమాచారం. కేవలం ఆ గ్లింప్స్ ఇచ్చిన హైప్ చూసి భారీ ధరలు చెల్లించి రైట్స్ దక్కించుకోవడానికి ప్రయత్నాలు మొదలుపెట్టారట. ఒక మంచి సినిమాను సరైన క్వాలిటీ ఉన్న థియేటర్లో చూపిస్తే ఆ ఎలివేషన్ ఎలా ఉంటుందో చెప్పడానికి ‘బైకర్’ టీజర్ ఒక నిదర్శనంగా నిలిచింది. శర్వానంద్ గత చిత్రం ‘నారీ నారీ నడుమ మురారి’తో డీసెంట్ హిట్ అందుకున్న సంగతి తెలిసిందే. ఇప్పుడు ‘బైకర్’ టీజర్ తో వచ్చిన ఈ పాజిటివ్ బజ్ చూస్తుంటే, శర్వా కెరీర్లో ఇది మరో బిగ్గెస్ట్ హిట్ కాబోతుందని ట్రేడ్ వర్గాలు అంచనా వేస్తున్నాయి.