ఫేమస్ అవుదామని స్టంట్స్ చేసి ప్రాణాలు పోగొట్టుకున్నారు ఇద్దరు ప్రాణ స్నేహితులు. చెన్నై పెరియార్నగర్లో ఈ ఘటన జరిగింది. పూర్తి వివరాల్లోకి వెళ్తే.. కరుణానిధి 3వ వీధికి చెందిన ప్రవీణ్, ఆరి. ఒకటో తరగతి నుంచి స్నేహితులు. యూట్యూబ్లో బైక్ అడ్వెంచర్ వీడియోలు చూసే ప్రవీణ్.. ఫేమస్ అవ్వాలనుకున్నారు. అందుకోసం బైక్ కొన్నాడు. విన్యాసాలు రికార్డ్ చేయడానికి హెల్మెట్కు కెమెరా పెట్టాడు ప్రవీణ్. స్నేహితుడు ఆరితో కలిసి వేలంచ్చెరి హైవే వైపు 114 కిలోమీటర్ల స్పీడ్లో బైక్పై వెళ్లాడు. కానీ, ప్రమాదం వారిని వెంటాడింది. బైక్ స్పీడ్గా దూసుకెళ్తున్న సమయంలో.. ఓ వ్యాన్ రోడ్డుపై యూటర్న్ తీసుకుంటుంది.. దీంతో.. కంట్రోల్ కాని ఆ బైక్.. ఆ వ్యాన్ను ఢీకొట్టింది. ఈ ప్రమాదంలో ప్రవీణ్, ఆరి… అక్కడికక్కడే మృతిచెందారు.. ప్రవీణ్ హెల్మెట్కు ఫిక్స్ చేసిన కెమెరాలో ప్రమాదం దృశ్యాలు రికార్డ్ అయ్యాయి. చేతికి అందివస్తారనుకున్న సమయంలో.. ఆ ఇద్దరు యువకులు మృతిచెందడంతో.. రెండు కుటుంబాల్లో విషాదం నెలకొంది.
