IPL 2024 Schedule: నేడు ఐపీఎల్ షెడ్యూల్ విడుదల.. చెపాక్ స్టేడియంలో తొలి మ్యాచ్‌!

BCCI To Release IPL 2024 Schedule Today: ఇండియన్ ప్రీమియర్ లీగ్ (ఐపీఎల్) 17వ సీజన్ షెడ్యూల్ ఈరోజు రిలీజ్ కానుంది. గురువారం సాయంత్రం 5 గంటలకు స్టార్ స్పోర్ట్స్, జియో సినిమాలో ప్రత్యక్ష ప్రసార కార్యక్రమంలో బీసీసీఐ షెడ్యూల్‌ను విడుదల చేయనుంది. మార్చి 22 నుంచి ఐపీఎల్ 2024 ప్రారంభం కానుందని తెలుస్తోంది. చెన్నైలోని చెపాక్ స్టేడియంలో డిఫెండింగ్ ఛాంపియన్ చెన్నై సూపర్ కింగ్స్‌, రన్నరప్ గుజరాత్ టైటాన్స్ జట్ల మధ్య తొలి మ్యాచ్‌ జరగనుంది. ఇక ఫైనల్‌ మ్యాచ్ మే 26న నిర్వహించేలా బీసీసీఐ షెడ్యూల్‌ను రూపొందించిందట.

Also Read: Virat Kohli-Akay: విరాట్ కోహ్లీ, అకాయ్‌ ఫోటోలు చూశారా?.. నాన్న మ్యాచ్ ఆడుతుంటే..!

అయితే నేడు ఐపీఎల్ 2024 పూర్తి షెడ్యూల్ విడుదల కాదని తెలుస్తోంది. దేశంలో సార్వత్రిక ఎన్నికలు జరగనున్న నేపథ్యంలో ముందుగా 15 రోజుల షెడ్యూల్ ప్రకటించనున్నట్లు సమాచారం. ఎన్నికల తేదీలు వచ్చాక.. మిగతా ఐపీఎల్ షెడ్యూల్ రిలీజ్ చేయాలని బీసీసీఐ భావిస్తోందట. ఏదైనా ఈరోజు స్పష్టత రానుంది. సార్వత్రిక ఎన్నికలు ఉన్నా.. లీగ్ మొత్తం భారత్‌లోనే జరుగుతుందని ఐపీఎల్, బీసీసీఐ అధికారులు ఇప్పటికే స్పష్టం చేశారు. ఇక ఐపీఎల్ 2024కు అంగరంగ వైభవంగా ప్రారంభ వేడుక నిర్వహించాలని లీగ్ నిర్వాహకులు ప్లాన్ చేస్తున్నారు.