Balakrishna: బాలకృష్ణ నటిస్తోన్న సినిమాలో నటిస్తోన్న జూనియర్ ఆర్టిస్టుల వాహనం ప్రమాదానికి గురైంది. ఈ ఆర్టిస్టులు షూటింగ్ లో పాల్గొనేందుకు వ్యాన్లో బయలుదేరారు. బాచుపల్లికి బయలుదేరగా ప్రగతినగర్ చెరువువద్ద ప్రమాదానికి గురైంది. వ్యాన్ బోల్తా కొట్టడంతో నలుగురు జూనియర్ ఆర్టిస్టులు తీవ్రంగా గాయపడ్డట్లు సమాచారం. జూనియర్ ఆర్టిస్టులు బాలకృష్ణ సినిమా షూటింగ్‌కు వెళ్తుండగా తెల్లవారుజామున ఈ ప్రమాదం చోటు చేసుకుంది. సమాచారం అందుకున్న పోలీసులు క్షతగాత్రులను ఆస్పత్రికి తరలించి చికిత్స అందిస్తున్నారు.
Read Also: China Covid: చైనాపై కొవిడ్ పంజా.. ఏప్రిల్ నాటికి గరిష్ఠ స్థాయి కేసులు
నటసింహం బాలకృష్ణ హీరోగా నటించిన సినిమా ‘వీరసింహారెడ్డి’. సంక్రాంతి కానుకగా థియేటర్లలోకి రానుంది. జనవరి 12 నుంచి అభిమానులకు సంక్రాంతితో పాటు సినిమా పండుగ తేనున్నారు బాలయ్య. ఈ చిత్ర షూటింగ్ ఇప్పటికే పూర్తి చేసిన బాలయ్య.. #NBK108 పేరుతో తీస్తున్న మరో సినిమా షూటింగ్ లోనూ పాల్గొంటున్నారు. రీసెంట్ గానే చిత్రీకరణ ప్రారంభమైంది. ఇప్పుడు మూవీ టీమ్ కు ప్రమాదం జరిగింది. ఈ విషయం ఇప్పుడు ఇండస్ట్రీలో హాట్ టాపిక్ గా మారింది. బాలయ్య, దర్శకుడు అనిల్ రావిపూడితో కలిసి ఓ యాక్షన్ కామెడీ ఎంటర్ టైన్ చేస్తున్నారు. ఓ వారం క్రితమే ఈ చిత్రం అధికారికంగా ప్రారంభమైంది. ఇప్పుడు ఈ సినిమా షూటింగ్ లో పాల్గొనేందుకు వెళ్తుండగానే కొందరు ఆర్టిస్టుల వ్యాన్ కు యాక్సిడెంట్ జరిగింది. ప్రస్తుతం క్షతగాత్రులంతా క్షేమంగానే ఉన్నట్లు తెలుస్తోంది.