Balakrishna: లేడీ ఫ్యాన్‌ బర్త్‌డేను గ్రాండ్‌గా సెలబ్రేట్‌ చేసిన బాలయ్య..

టాలివుడ్ అగ్ర హీరో నందమూరి నటసింహం బాలయ్య గురించి ప్రత్యేక పరిచయాలు అవసరం లేదు.. ఆయన సినిమాల్లో గాంభీరంగా ఉన్నా కూడా బయట ఆయన మనసు వెన్నే.. ఒక్క మాటలో చెప్పాలంటే రియల్ హీరో..అభిమానుల మీద కస్సుబుస్సులాడినా బాలయ్య మనసు బంగారం.. ఆయన అభిమానులు, ఆయన గురించి బాగా తెలిసిన సన్నిహితులు ఇదే చెబుతారు.. స్వచ్చమైన మనసు కలిగిన బాలయ్య తనకు ఎవరైనా నచ్చితే అంతే.. వారి కోసం ఏమైనా చేస్తారు. ఇటీవల విమానంలో పరిచయమైన ఓ వ్యక్తి గృహప్రవేశానికి వెళ్లి శుభాకాంక్షలు తెలిపారాయన. ఈ విషయాన్ని మరోసారి నిరూపించుకున్నారు నందమూరి నటసింహం. ఒక లేడీ అభిమాని పుట్టిన రోజును గ్రాండ్‌గా సెలబ్రేట్‌ చేశారు. కేక్‌ కటింగ్‌ చేయించి అక్షింతలు వేసి ఆశీర్వదించారు. ఇందుకు సంబందించిన ఫోటోలు నెట్టింట తెగ వైరల్ అవుతున్నాయి..

ప్రస్తుతం బాలయ్య తానా సభల కోసం అమెరికాలోని ఫిలడెల్పియాలోనే ఉంటున్నారు.. ఆయన తో పాటు ఆయన భార్య కూడా ఉన్నారు.. ఈ సందర్భంగా తెలుగు వారి రాజసం ఉట్టిపడేలా సంప్రదాయ దుస్తుల్లో దర్శనమిచ్చారు బాలయ్య. ఈ క్రమంలోనే ఒక అమ్మాయి బాలకృష్ణ దగ్గరకు వచ్చింది. తన పుట్టిన రోజు అని చెప్పగానే.. వెంటనే ఆమెతో కేక్‌ కటింగ్‌ చేయించాడు..ఆమెను బాలకృష్ణ, ఆయన సతీమణి అక్షింతలు వేసి మనసారా ఆశీర్వదించారు. తద్వారా ఆ లేడీ అభిమానికి జీవితాంతం గుర్తుండిపోయే మధుర జ్ఞాపకాన్ని అందించారు. ప్రస్తుతం దీనికి సంబంధించిన ఫొటోలు, వీడియోలు సోషల్ మీడియాలో తెగ చక్కర్లు కొడుతున్నాయి..

బాలయ్య అభిమానులు దీనిని చూసి మురిసిపోతున్నారు. ‘మా బాలయ్య మనసు బంగారం.. దటీజ్‌ బాలయ్య’ అంటూ ప్రశంసల వర్షం కురిపిస్తున్నారు.. ప్రేమతో పిలిస్తే ఎక్కడికైనా వెళ్తారు.. అందుకే జై బాలయ్య అంటూ కామెంట్లు చేస్తున్నారు.. ఇక సినిమాల విషయానికొస్తే..ప్రస్తుతం అనిల్‌ రావిపూడి దర్శకత్వంలో భగవత్‌ కేసరి అనే మూవీలో నటిస్తున్నారు బాలయ్య. కాజల్‌ అగర్వాల్, శ్రీలీల హీరోయిన్లుగా నటిస్తున్నారు. ఈ సినిమా నుంచి వచ్చిన అప్డేట్స్ అన్నీ సినిమా పై భారీ అంచనాలను పెంచుతున్నాయి.. ఇక త్వరలోనే ఈ ప్రేక్షకుల ముందుకు రానుంది.