Afghanistan have won the toss and have opted to bat vs Australia: ప్రపంచకప్ 2023లో భాగంగా మరికొద్దిసేపట్లో ముంబైలోని వాంఖడే స్టేడియంలో ఆస్ట్రేలియా, అఫ్గానిస్థాన్ తలపడనున్నాయి. సెమీ ఫైనల్ బెర్త్ దక్కించుకొవాలని చూస్తున్న ఇరు జట్లు గెలుపే లక్ష్యంగా బరిలోకి దిగుతున్నాయి. ఈ మ్యాచ్లో టాస్ గెలిచిన అఫ్గాన్ సారథి హష్మతుల్లా షాహిది బ్యాటింగ్ ఎంచుకున్నాడు. తుది జట్టులో ఒక మార్పు చేసినట్లు తెలిపాడు. ఫజల్హక్ స్థానంలో విరాట్ కోహ్లీ దోస్త్ నవీన్ ఉల్ హక్ ఆడుతున్నాడు. ఐపీఎల్ సందర్భంగా గొడవ పడిన నవీన్, కోహ్లీ.. ప్రపంచకప్ 2023లో దోస్తులు అయ్యారు.
మరోవైపు ఆస్ట్రేలియా రెండు మార్పులతో బరిలోకి దిగుతోంది. స్టీవ్ స్టీవ్, కామెరూన్ గ్రీన్ స్థానాల్లో గ్లెన్ మాక్స్వెల్, మిచెల్ మార్ష్ వచ్చారు. సెమీ ఫైనల్ బెర్త్ దక్కించుకొవాలనుకుంటున్న ఆసీస్.. మెగా టోర్నీలో సంచలన విజయాలు సాధిస్తున్న అఫ్గాన్ను ఓడించాలని పట్టుదలగా ఉంది. ఇక ఆస్ట్రేలియాపై గెలిస్తే అఫ్గాన్ సెమీస్ అవకాశాలు మరింత మెరుగవుతాయి. ఈ మ్యాచ్ ఇరు జట్లకు కీలకం కాబట్టి రసవత్తరంగా సాగే అవకాశాలు ఉన్నాయి.
తుది జట్లు:
అఫ్గానిస్థాన్: రహ్మానుల్లా గుర్బాజ్, ఇబ్రహీం జద్రాన్, రహ్మత్ షా, హష్మతుల్లా షాహిదీ (కెప్టెన్), అజ్మతుల్లా ఒమర్జాయ్, మొహమ్మద్ నబీ, ఇక్రమ్ అలీఖిల్, రషీద్ ఖాన్, ముజీబ్ ఉర్ రహ్మాన్, నూర్ అహ్మద్, నవీన్-ఉల్-హక్.
ఆస్ట్రేలియా: ట్రావిస్ హెడ్, డేవిడ్ వార్నర్, మిచెల్ మార్ష్, మార్నస్ లాబుషాగ్నే, జోష్ ఇంగ్లిస్, గ్లెన్ మాక్స్వెల్, మార్కస్ స్టోయినిస్, పాట్ కమిన్స్ (కెప్టెన్), మిచెల్ స్టార్క్, ఆడమ్ జంపా, జోష్ హేజిల్వుడ్.