Asaduddin Owaisi: మసీదులను రక్షించుకోవాలి.. అసదుద్దీన్ ఒవైసీ సంచలన వ్యాఖ్యలు

Mosques: అయోధ్యలో రామ మందిర నిర్మాణానికి సన్నాహాలు జరుగుతున్న నేపథ్యంలో ఏఐఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ వివాదాస్పద వ్యాఖ్యలు చేశారు. మసీదుల విషయంలో ముస్లిం సమాజానికి రక్షణ కల్పించాలని విజ్ఞప్తి చేశారు. ఓ బహిరంగ సభలో ఆయన ప్రసంగిస్తూ.. కొందరు చేసిన పొరపాటు వల్ల మసీదు కోల్పోయాము.. ఇప్పుడు మన మసీదులకు ఆపాయం ఉంది.. వాటిని కాపాడుకోవాల్సి వస్తుందని ప్రకృతి చెబుతోందని తెలిపారు. అధికారంలో ఉన్నవారు మన మసీదులను అత్యాశతో చూస్తున్నారు.. వారి కళ్ల నుంచి మసీదులను కాపాడాలన్నారు. మసీదులను జనావాసాలుగా ఉంచాలి.. మదర్సాలు ఇస్లాం కోటలను ఆక్రమించుకోవడం కోసం వేచి చూస్తున్నారని అసదుద్దీన్ ఒవైసీ వెల్లడించారు.

Read Also: Chicken : తల లేకుండా 18నెలలు బతికిన కోడి.. ఏంటి ఆశ్చర్యపోతున్నారా నిజం

అసదుద్దీన్ ఒవైసీ మాట్లాడుతూ.. కేంద్ర ప్రభుత్వం మసీదులను నిర్మానుష్యంగా మార్చేందుకు ప్రయత్నిస్తోందని ఆరోపించారు. మీరంతా విభేదాలు మరచి ఒక్కతాటిపైకి రావాలని ఆయన విజ్ఞప్తి చేశారు. ఈ సమయంలో మన అస్తిత్వాన్ని నాశనం చేసే శక్తులతో పోరాడాలి.. మన మసీదుల కోసం కలిసి వారితో పోరాడితే.. అల్లా మనకు సహాయం చేస్తాడు అని ఆయన పేర్కొన్నారు. ముస్లిం యువత సంఘటితమై సమాజాన్ని కాపాడుకోవాలని పిలుపునిచ్చారు. మన ముస్లీం సమాజం పట్ల శ్రద్దతో మసీదులను జనాభాతో ఉంచాలని ఒవైసీ పిలుపునిచ్చారు. అయితే, ఒవైసీ ఇప్పటికే ఇలాంటి ప్రకటనలు చాలా సార్లు ఇచ్చాడు. ఇంతకు ముందు కూడా ముస్లింలు ప్రమాదంలో ఉన్నారని ఆయన చెప్పుకొచ్చాడు.