Job In Dubai: దుబాయ్ – ఏరీస్ గ్రూప్ సంస్థ మహిళా ఉద్యోగుల కోసం ప్రత్యేక పాలసీలను తీసుకొచ్చింది. సిల్వర్ జూబ్లీ వేడుకల సందర్భంగా ఆ కంపెనీ వరాలు ప్రకటించింది. మహిళా ఉద్యోగులకు ప్రసవానంతరం ‘పేరెంటల్ లీవ్’ అనే కొత్త పథకాన్ని రూపొందించింది. ఒక ఏడాది లాంగ్ లీవ్, మరో ఏడాది పాటు వర్క్ ఫ్రమ్ హోమ్ సౌకర్యం కల్పించనుంది. తన దగ్గర పనిచేస్తున్న కంపెనీ ఉద్యోగుల నవజాత శిశువులందరికీ మెరుగైన ప్రసూతి సంరక్షణను అందించాలన్న ఆలోచనతో కంపెనీ ఈ నిర్ణయం తీసుకుంది . ఇవి సర్వీస్ బ్రేక్ లేని సెలవులు. అంతే కాకుండా తమ కంపెనీకి దగ్గర్లో పనిచేసే వారికోసం పనివేళల్లో ఒక్కోక్కరు.. నాలుగైదు గంటల విరామం తీసుకునే సదుపాయం కూడా ఈ కొత్త పథకంలో కల్పించనుంది. యూఏఈలో మహిళా ఉద్యోగులకు రుతుక్రమ భత్యం లాంటి పథకాలు తీసుకొచ్చిన తొలి ఆసియా కంపెనీగా నిలిచింది.
Read Also: Cruel Love : చదువుకునే రోజుల్లో ప్రేమకు నో అన్నదని.. నాలుగేళ్ల తర్వాత వచ్చి నరికేశాడు
‘మహిళల హక్కులను అణిచివేస్తూ, అనేక రంగాల్లో శ్రమదోపిడీ పెరిగిపోతున్న ఈ కాలంలో మా సంస్థ 25వ వార్షికోత్సవంలో భాగంగా ఇలాంటి విప్లవాత్మక ప్రకటనలు చేయడం ఆనందంగా ఉంది. దీన్ని ఇతర సంస్థలు ఆదర్శంగా తీసుకోవాలి’ అని సంస్థ వ్యవస్థాపక చైర్మన్, సీఈవో సోహన్ రాయ్ అన్నారు. గ్రూప్ ఉద్యోగులకు యాభై శాతం డివిడెండ్, పెన్షన్‌తో పదవీ విరమణ, తల్లిదండ్రులకు పెన్షన్, భార్యాభర్తలకు జీతం వంటి అనేక ప్రయోజనాలు చాలా కాలమే క్రితం ప్రకటించింది కంపెనీ.
Read Also: Pakistan : ముజాహిదీన్‌లను సృష్టించి తప్పుచేశాం.. పశ్చాత్తాపంలో పాకిస్తాన్
19 దేశాలలో 2,000 కంటే ఎక్కువ మంది ఉద్యోగులతో ప్రపంచంలోనే అతిపెద్ద షిప్ డిజైన్, తనిఖీ సంస్థ అయిన ఏరీస్ గ్రూప్ మహిళా సాధికారత కోసం అనేక వినూత్న ప్రాజెక్టులను ప్రారంభించింది. వరకట్న నిషేధ చట్టం, ఉద్యోగి నిరుద్యోగుల భార్యలకు వేతనాలు, మహిళా ఉద్యోగులకు రుతుక్రమ భత్యం, మహిళా ఉద్యోగులను పారిశ్రామికవేత్తలుగా మార్చే పథకం, ఇంటి నుండి పని చేయడం, ఉద్యోగి మానసిక ఆరోగ్యానికి కొత్త పని కార్యక్రమాలు, లింగ వివక్షకు వ్యతిరేకంగా పాలసీ, మహిళల సంక్షేమానికి అనేక ఇతర పథకాలు. ఏరీస్ గ్రూప్ ద్వారా అమలు చేయబడిన ఇతర మహిళా సాధికారత నిర్ణయాలు. రెండు శాతం కంటే తక్కువ మంది మహిళలు పనిచేసే సముద్రయాన రంగంలో ఏరీస్ గ్రూప్ మహిళలకు మాత్రమే కార్యాలయాన్ని ప్రారంభించింది. సమాన వేతన ఉద్యోగాలలో పది శాతానికి పైగా మహిళలకు మాత్రమే కేటాయించబడ్డాయి.