Apple: ఆపిల్కు షాక్.. భారీగా జరిమానా
ఆపిల్కు భారీ షాక్ తగిలింది. మ్యూజిక్ స్ట్రీమింగ్పై EU చట్టాన్ని ఉల్లంఘించినందుకు ఆపిల్కు రూ.16,500 కోట్ల జరిమానా విధించింది.
ఐఫోన్ వినియోగదారులు Apple యాప్ స్టోర్ వెలుపల సబ్స్క్రయిబ్ చేసుకోవడానికి చౌకైన మార్గాలను తెలియజేయకపోవడాన్ని తప్పుపట్టింది. దీంతో యూరోపియన్ యూనియన్ రెగ్యులేటర్లు Appleకి రూ.16,500 కోట్లు జరిమానా విధించింది. EU యాంటీట్రస్ట్ నిబంధనల ప్రకారం ఇది చట్టవిరుద్ధమని EU యాంటీట్రస్ట్ చీఫ్ మార్గరెత్ వెస్టేజర్ తెలిపారు. స్పాటిఫై కేసులో ఆపిల్కు 1.8 బిలియన్ యూరోలకు పైగా EU యాంటీట్రస్ట్ జరిమానా విధించడం ఇదే మొదటిసారి.
ఒక దశాబ్దం పాటు యాప్ స్టోర్ ద్వారా మ్యూజిక్ స్ట్రీమింగ్ యాప్ల పంపిణీ కోసం ఆపిల్ మార్కెట్లో దాని ఆధిపత్య స్థానాన్ని దుర్వినియోగం చేసిందని మార్గరెత్ వెస్టేజర్ ఒక ప్రకటనలో తెలిపారు. అందుబాటులో ఉన్న ప్రత్యామ్నాయ, చౌకైన సంగీత సేవల గురించి వినియోగదారులకు తెలియజేయకుండా డెవలపర్లను నియంత్రించడం ద్వారా EU యాంటీట్రస్ట్ నిబంధనల ప్రకారం ఇది చట్టవిరుద్ధమని పేర్కొన్నారు.