AP Govt: ఒకవైపు పుష్కర ఏర్పాట్లు, మరోవైపు రిలయన్స్ ప్లాంట్ ప్రారంభం.. ఏపీలో డబుల్ ధమాకా..
- Follow Us :
-
-
Add as a preferred
source on google
ఆంధ్రప్రదేశ్లో ఓవైపు చారిత్రాత్మక ఆధ్యాత్మిక ఉత్సవానికి ముందస్తు ప్రణాళికలు, మరోవైపు పారిశ్రామిక ప్రగతి వేగవంతమవుతున్నాయి. 2027 జూన్ 26 నుంచి జూలై 7 వరకు జరగనున్న గోదావరి పుష్కరాల నిర్వహణపై ముఖ్యమంత్రి చంద్రబాబు నాయుడు అధికారులతో సమీక్షించారు. సుమారు 10 కోట్ల మంది భక్తులు తరలివస్తారని అంచనా వేస్తుండగా, 22 శాఖల పరిధిలో రూ.3,723.69 కోట్లతో 4,862 పనులకు ప్రతిపాదనలు సిద్ధమయ్యాయి. ఇప్పటికే రూ.2,051.70 కోట్ల విలువైన 2,260 పనులకు అనుమతులు లభించగా, రూ.649.70 కోట్లతో 659 పనులు ప్రారంభమయ్యాయి.
440 ఘాట్ల వద్ద సదుపాయాలు, పారిశుధ్యం, తాగునీటికి రూ.464 కోట్లు కేటాయించారు. రవాణా కోసం 4,000 ప్రత్యేక బస్సులు, 649 గ్రీన్ బస్సులు, 1,560 ప్రత్యేక రైళ్లతో పాటు 268.12 కిలోమీటర్ల మేర బారికేడ్లు ఏర్పాటు చేయనున్నారు. భక్తుల సమాచారం కోసం 135 భాషల్లో పనిచేసే ఏఐ చాట్బాట్, ఆధునిక కమాండ్ కంట్రోల్ సెంటర్, రాజమహేంద్రవరం ఆసుపత్రిలో అదనంగా 100 పడకలు సిద్ధం చేస్తున్నారు.
Also Read
- Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
- US-China Chip War: అమెరికా-చైనా మధ్య చిప్ వార్.. 5 దేశాలపై ఆంక్షలు.. ఏఐ రంగంలో సంక్షోభం!
- HSRP Number Plate : తెలంగాణ వాహనదారులకు అలర్ట్.. నంబర్ ప్లేట్లపై స్పెషల్ డ్రైవ్..
- US Report: భారత్ ఎదుగుదలను తట్టుకోలేక.. ఆపరేషన్ సిందూర్లో పాక్కు చైనా మద్దతు..
2027 ఏప్రిల్ నాటికి కాటన్ బ్యారేజీ ఆధునికీకరణ, పుష్కరాలకు ముందే పోలవరం ప్రాజెక్టు పూర్తి చేసి ప్రారంభించాలని లక్ష్యంగా పెట్టుకున్నారు. పర్యావరణహితంగా నిర్వహించే ఈ వేడుకల్లో నదీ హారతి, సామూహిక కూచిపూడి, యోగా కార్యక్రమాలు నిర్వహించడంతో పాటు ప్రజలు, స్వచ్ఛంద సంస్థలను భాగస్వామ్యం చేయాలని సీఎం ఆదేశించారు.
మరోవైపు.. కర్నూలు జిల్లా ఓర్వకల్లులో రిలయన్స్ కన్స్యూమర్ ప్రొడక్ట్స్ ఆసియాలోనే అతిపెద్ద పానీయాల తయారీ ప్లాంట్ను ఏర్పాటు చేయడంపై విద్య, ఐటీ శాఖల మంత్రి నారా లోకేష్ హర్షం వ్యక్తం చేశారు. గత ఏడాది నవంబర్లో సీఎం చంద్రబాబు శంకుస్థాపన చేసిన ఈ పరిశ్రమ, కేవలం 12 నెలల్లోనే ఉత్పత్తి ప్రారంభించడం రాష్ట్ర ‘స్పీడ్ ఆఫ్ డూయింగ్ బిజినెస్’కు నిదర్శనమని పేర్కొన్నారు.
అత్యాధునిక సాంకేతికతతో కాంపా కోలా, పండ్ల రసాలు, తాగునీటి ఉత్పత్తి మొదలైందని తెలిపారు. రాయలసీమ గడ్డపై పునర్జన్మ పొందిన స్వదేశీ బ్రాండ్ ప్రపంచ మార్కెట్కు చేరనుండటం గర్వకారణమన్నారు. ఈ పరిశ్రమ ద్వారా స్థానిక యువతకు 1,200 ప్రత్యక్ష ఉద్యోగాలతో పాటు అనుబంధ రంగాల్లో విస్తృత ఉపాధి లభిస్తోందని, రాయలసీమ యువత సొంత ప్రాంతంలోనే ప్రపంచస్థాయి సంస్థల్లో పనిచేయాలన్న తమ ఆశయం నెరవేరుతోందని లోకేష్ వెల్లడించారు.
తాజావార్తలు
-
Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
-
AP Govt: ఒకవైపు పుష్కర ఏర్పాట్లు, మరోవైపు రిలయన్స్ ప్లాంట్ ప్రారంభం.. ఏపీలో డబుల్ ధమాకా..
-
US-China Chip War: అమెరికా-చైనా మధ్య చిప్ వార్.. 5 దేశాలపై ఆంక్షలు.. ఏఐ రంగంలో సంక్షోభం!
-
HSRP Number Plate : తెలంగాణ వాహనదారులకు అలర్ట్.. నంబర్ ప్లేట్లపై స్పెషల్ డ్రైవ్..
-
US Report: భారత్ ఎదుగుదలను తట్టుకోలేక.. ఆపరేషన్ సిందూర్లో పాక్కు చైనా మద్దతు..
ట్రెండింగ్
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!