Anushka Shetty: యంగ్ కుర్రాడితో ప్రేమలో పడిన అనుష్క.. వివరాలివే

Anushka Shetty: అరుంధతితో తిరుగులేని విజయాన్ని అందుకున్న అనుష్క… జేజెమ్మగా ప్రేక్షకుల మదిలో నిలిచిపోయింది. ఆ సినిమా ఆమె సినీ జీవితానికే ఓ మలుపుగా చెప్పుకోవచ్చు. అంతకుముందు తీసిన సినిమాలేవి అనుష్కకు పేరు తెచ్చిపెట్టలేదు. అరుంధతితో అనుష్క క్రేజ్ అమాంతం పెరిగింది. ఇక బాహుబలి సినిమాతో ఆమె పాన్ ఇండియా స్టార్ అయిపోయింది. అయితే అనుష్క స్టార్ స్టేటస్ వచ్చినా తను సెలెక్టివ్ గా సినిమాలు చేస్తూ లాంగ్ రన్ లో కెరీర్ నిలబెట్టుకుంటున్నారు. ఈ క్రమంలోనే ఆమె నటించిన లాస్ట్ మూవీ ‘నిశ్శబ్దం’ 2020లో రిలీజ్ అయ్యి బాక్సాఫీస్ వద్ద మంచి విజయాన్ని అందుకుంది. అయితే ఆ సినిమా తరువాత అనుష్క తన నెక్ట్స్ మూవీని ఇప్పటివరకు తెరకెక్కించలేదు.

Read Also: Pawan Kalyan ‘The Real Yogi’ : చిరంజీవి తమ్ముళ్లు అయినంత మాత్రాన సినిమాలు ఎవ్వరూ ఇవ్వరు

అయితే ‘జాతిరత్నాలు’తో టాలీవుడ్ బాక్సాఫీస్ వద్ద అదిరిపోయే మంచి హిట్ అందుకున్న యంగ్ హీరో నవీన్ పోలిశెట్టి నటిస్తున్న తాజా చిత్రంలో అనుష్క హీరోయిన్‌గా నటిస్తున్న సంగతి తెలిసిందే. ఈ సినిమాను ఇటీవల మొదలు పెట్టారు మేకర్స్ . యువీ క్రియేషన్స్ బ్యానర్ ఈ సినిమాను తెరకెక్కిస్తోంది. అనుష్క ఈ సినిమా షూటింగ్‌లో జాయిన్ అయినట్లు చిత్ర యూనిట్ తెలిపింది. అనుష్క కెరీర్‌లో 48వ చిత్రంగా రాబోతున్న ఈ సినిమాలో మిడిల్ ఏజ్ చెఫ్ పాత్రలో అనుష్క నటిస్తుందని.. ఓ యంగ్ కుర్రాడితో ఆమె ప్రేమలో పడుతుందనే నేపథ్యంలో ఈ సినిమా కథను తెరకెక్కిస్తున్నారట. ఇక ఈ సినిమాలో అనుష్క ఎలా కనిపించనుందా అని ఆమె అభిమానులు ఎంతో ఆసక్తిగా ఎదురుచూస్తున్నారు. కాగా ఈ సినిమాను మహేష్ బాబు అనే దర్శకుడు డైరెక్ట్ చేస్తుండగా, ఈ సినిమాకు సంబంధించిన ఇతర నటీనటులు, టెక్నీషియన్స్‌కు సంబంధించిన వివరాలను చిత్ర త్వరలోనే వెల్లడించనుంది.