Lockdown : ఎట్టకేలకు అనుపమ ‘లాక్‌డౌన్’ ముహూర్తం ఫిక్స్..

మలయాళ ముద్దుగుమ్మ అనుపమ పరమేశ్వరన్ లీడ్ రోల్‌లో నటించిన ఎమోషనల్ డ్రామా ‘లాక్‌డౌన్’ ఎట్టకేలకు విడుదలకు సిద్ధమైంది. ఏఆర్ జీవా దర్శకత్వంలో తెరకెక్కిన ఈ చిత్రం గతేడాదే విడుదల కావాల్సి ఉన్నప్పటికీ, తమిళనాడులో సంభవించిన తుపానులు, ఇతర సాంకేతిక కారణాల వల్ల వాయిదా పడుతూ వచ్చింది. తాజాగా ఈ సినిమా కొత్త విడుదల తేదీని నిర్మాణ సంస్థ లైకా ప్రొడక్షన్స్ అధికారికంగా ప్రకటించింది. ‘ప్రతి విరామానికి ఓ అర్థం ఉంటుంది’ అనే క్యాప్షన్‌తో ఈ నెల 30న ప్రపంచవ్యాప్తంగా థియేటర్లలో సినిమాను విడుదల చేయబోతున్నట్లు స్పష్టం చేసింది.

Also Read : Yellamma : ‘ఎల్లమ్మ’లో డీఎస్పీ పాత్ర పై ఇంట్రస్టింగ్ అప్‌డేట్..

ఈ చిత్రంలో అనుపమ ‘అనిత’ అనే మధ్యతరగతి యువతి పాత్రలో కనిపించనుంది. కరోనా లాక్‌డౌన్ సమయంలో సాధారణ ప్రజలు ఎదుర్కొన్న ఇబ్బందులు, ముఖ్యంగా ఒక యువతి తన జీవితంలో ఎదురైన క్లిష్ట పరిస్థితులను ఎలా అధిగమించింది అనే వాస్తవ సంఘటనల ఆధారంగా ఈ సినిమాను రూపొందించారు. ఇప్పటికే విడుదలైన ట్రైలర్ సినిమాపై మంచి అంచనాలను పెంచింది. నాయికా ప్రాధాన్యత ఉన్న ఈ చిత్రం అనుపమ కెరీర్‌లో మరో వైవిధ్యమైన సినిమాగా నిలుస్తుందని ఫ్యాన్స్ ఆశిస్తున్నారు.