Mukesh Ambani : ముఖేష్ అంబానీ గ్యారేజీలో చేరిన మరో కొత్త కారు.. ధర ఎంతో తెలుసా..?

మనదేశంలో కారు కొనడానికి కొందరు సాహసం చేస్తుంటే.. కొందరు సంపన్నులు మాత్రం అత్యంత ఖరీదైన కార్లను ఇట్టే కొనిపడేస్తున్నారు. ఈ క్రమంలోనే కార్లు కూడా అత్యంత ఖరీదైనవిగా మారుతున్నాయి. అలాంటి జాబితాలోనిదే రోల్స్ రాయిస్ ఘోస్ట్ కారు. ఇది ప్రపంచంలోనే అత్యంత ఖరీదైన కార్లలో ఒకటి ఉంది. ఈ కారు ఇప్పుడు ప్రపంచ అపర కుబేరుల్లో ఒకరైన రిలయన్స్‌ ఇండస్ట్రీస్‌ అధినేత ముకేశ్ అంబానీ గ్యారేజీలోకి వచ్చి వాలింది.

Also Read : Dimple Hayati: తప్పు ఒప్పు పక్కన పెడితే.. పాప.. ఒక్కసారిగా ఫేమస్ అయిందిగా

రిలయన్స్ ఇండస్ట్రీస్ అధినేత ముఖేష్ అంబానీ.. వారి కుటుంబానికి రోల్స్ రాయిస్‌తో సహా అనేక లగ్జరీ కార్లు ఇప్పటికే ఉన్నాయి. అయితే, తాజాగా వారి గ్యారేజీలో రెండోతరం రోల్స్ రాయిస్ ఘోస్ట్ కారు కూడా వచ్చి చేరిపోయింది. పెట్రా గోల్డ్ ఫినిష్‌తో కూడిన ఈ లగ్జరీ కారు ముంబై వీధుల్లో చక్కర్లు కొట్టడం కనిపించింది. రోల్స్ రాయిస్ ఘోస్ట్ ధర రూ.6.95 కోట్లతో స్టార్ట్ అవుతుంది. టాప్-ఎండ్ వేరియంట్ ధర దాదాపు రూ.7.95 కోట్లుగా ఉంది. కొత్త పెట్రా గోల్డ్ రోల్స్ రాయిస్ ఘోస్ట్ ట్రాఫిక్ సిగ్నల్‌ను దాటుతుండటం కనిపించింది. రాత్రిపూట ఆ కారు ఓ భవనం నుంచి బయటకు వెళ్లడం కూడా కనిపించింది. ఈ కొత్త తరం సూపర్ లగ్జరీ కారు 2020 సంవత్సరంలో ప్రారంభించబడింది. దాని EWB వేరియంట్ ఇప్పుడు అంబానీ గ్యారేజీలోకి వచ్చింది.

Also Read : CM YS Jagan: ఏపీ స్కిల్ డెవలప్‌మెంట్ స్కామ్‌.. సీఎం వైఎస్‌ జగన్‌ కీలక వ్యాఖ్యలు

ఈ కొత్త సూపర్ లగ్జరీ కారులోని ఇంజన్ కూడా చాలా శక్తివంతమైనది. ఈ మోడల్‌లో 563hp పవర్, 820Nm టార్క్ ఉత్పత్తి చేసే 6.75-లీటర్ V12 ఇంజన్‌తో తయారు చేశారు. ఇందులో 8 స్పీడ్ ఆటోమేటిక్ గేర్‌బాక్స్ ఉంది. ఇది కేవలం 4.6 సెకన్లలో 0 నుంచి 100 కిమీ వేగాన్ని అందుకోగలదు. భద్రతా లక్షణాలలో హెడ్-అప్ డిస్‌ప్లే, అడాప్టివ్ క్రూయిజ్ కంట్రోల్, లేన్ డిపార్చర్ వార్నింగ్, 360-డిగ్రీ కెమెరా సిస్టమ్ ఇందులో ఉన్నాయి.