సౌత్ లో ప్రెజెంట్ మోస్ట్ వాంటెడ్ కంపోజర్స్ గా మారిపోయారు అనిరుద్ అండ్ సాయి అభయంకర్. కొన్నిసార్లు ఈ మ్యూజిక్ డైరెక్టర్స్ పనితీరు మాత్రమే కాదు, రెమ్యూనరేషన్స్ కూడా ఆశ్చర్యాన్ని కలిగిస్తున్నాయి. సౌత్ మొత్తంలో ఎక్కువ ప్యాకేజ్ తీసుకునేది అనిరుద్ రవిచంద్రనే. స్టార్ హీరోస్, డైరెక్టర్స్ అనిరుద్ నామస్మరణ చేస్తూ ఉండడంతో, కంపోజర్ రేట్ పెంచుకుంటూ పోతున్నాడు. గత ఏడాది 12 కోట్లుగా ఉన్న ఆయన రెమ్యూనరేషన్ ఇప్పుడు 25 కోట్లకు చేరింది. అంటే, ఏడాదిలోనే తన శాలరీని డబుల్ చేశాడు ఈ స్టార్ మ్యూజిషియన్.
అనిరుద్ధే అనుకుంటే, నయా సెన్సేషనల్ మ్యూజిక్ డైరెక్టర్ సాయి అభయంకర్ కూడా తక్కువేం తినలేదు. జస్ట్ ప్రైవేట్ ఆల్బమ్స్ తోనే ఓవర్నైట్ బిజీయస్ట్ కంపోజర్ గా మారిన ఈ నూనుగుసాల కుర్రాడు, తొలి సినిమా బాల్టీకి రెండు కోట్లు తీసుకొని రికార్డు సృష్టించాడు. అంతేకాదు, మొన్నటి వరకు మూడు కోట్లు తీసుకున్న అభయంకర్, డ్యూడ్, కరుప్పు బ్యాక్ టు బ్యాక్ హిట్స్ తర్వాత తన రేట్ పెంచేశాడు. ఇప్పుడు ఎనిమిది కోట్లు డిమాండ్ చేస్తున్నాడని బస్. పోటాపోటీగా ఆఫర్స్ కొల్లగొడుతూ హవా చూపిస్తున్నారు అనిరుద్ అండ్ సాయి అభయంకర్.
అనిరుద్ ఖాతాలో ఆల్ మోస్ట్ 10 సినిమాలు ఉన్నాయి. రజనీకాంత్ అప్ కమింగ్ రెండు సినిమాలకు అతడే కంపోజర్. ఇక తెలుగులో పారడైజ్, ఏఏ 23 వంటి సినిమాలు చేస్తున్నాడు. అలాగే ఈ ఏడాదిలోనే బ్యాచిలర్ లైఫ్ కు గుడ్ బాయ్ చెప్పబోతున్నాడని టాక్, నవంబర్ లో కావ్య మారన్తో పెళ్లి చేసుకోబోతున్నాడని బస్. ఇక Zen G కంపోజర్ అయిన సాయి అభయంకర్ చేతిలో ఐదు సినిమాలు ఉన్నాయి. వీటిలో ఏ రెండు సినిమాలు బ్లాక్ బస్టర్ కొట్టినా, అనిరుద్ రెమ్యూనరేషన్ కూడా బీట్ చేసే ఛాన్స్ ఉంది.”