AP Budget 2025: ఆంధ్రప్రదేశ్ శాసనసభలో 2025-26 ఆర్థిక సంవత్సరానికి సంబంధించిన వార్షిక బడ్జెట్ను ఆర్థిక మంత్రి పయ్యావుల కేశవ్ శుక్రవారం ప్రవేశపెట్టారు. రాష్ట్ర ప్రభుత్వం మొత్తం రూ.3.22 లక్షల కోట్లతో బడ్జెట్ను రూపొందించింది. కూటమి ప్రభుత్వం అధికారంలోకి వచ్చిన తర్వాత ఇదే తొలి పూర్తిస్థాయి బడ్జెట్. 2025-26 ఆర్థిక సంవత్సరానికి ప్రభుత్వం రూ.2,51,162 కోట్లు రెవెన్యూ వ్యయంగా ప్రకటించింది. మూలధన వ్యయం రూ.40,635 కోట్లు, రెవెన్యూ లోటు రూ.33,185 కోట్లు, ద్రవ్య లోటు రూ.79,926 కోట్లుగా అధికారులు అంచనా వేశారు.
Read Also: AP Budget 2025: బడ్జెట్కు ఆమోదం తెలిపిన కేబినెట్..
ఇక బడ్జెట్లో కీలక కేటాయింపుల విషయానికి వస్తే.. ప్రభుత్వం ఈ బడ్జెట్లో అనేక రంగాలకు భారీగా నిధులు కేటాయించింది. ముఖ్యంగా విద్య, నైపుణ్యాభివృద్ధి, బీసీ సంక్షేమం, ఎస్సీ-ఎస్టీ సంక్షేమం, మహిళా శిశు సంక్షేమానికి ప్రాధాన్యత ఇచ్చింది. మరి ఏ శాఖకు ఎన్ని నిధులు కేటాయించిందో వివరాలు ఇలా ఉన్నాయి.
* మొత్తం బడ్జెట్: రూ.3.22 లక్షల కోట్లు,
* వెన్యూ వ్యయం – రూ.2,51,162 కోట్లు,
* మూలధన వ్యయం – రూ.40,635 కోట్లు,
* రెవెన్యూ లోటు – రూ.33,185 కోట్లు,
* ద్రవ్య లోటు – రూ.79,926 కోట్లు
* బీసీల సంక్షేమానికి – రూ.47,456 కోట్లు,
* పాఠశాల విద్యాశాఖకు – రూ.31,805 కోట్లు,
* ఎన్టీఆర్ భరోసా పింఛన్ల కోసం – రూ.27,518 కోట్లు,
* ఎస్సీల సంక్షేమానికి – రూ.20,281 కోట్లు,
* వైద్య ఆరోగ్య, కుటుంబ సంక్షేమానికి – రూ.19,264 కోట్లు,
* పంచాయతీ రాజ్ శాఖకు – రూ.18,847 కోట్లు,
* జలవనరుల శాఖకు – రూ.18,019 కోట్లు,
* పురపాలక, పట్టణాభివృద్ధి శాఖకు – రూ.13,862 కోట్లు,
* ఇంధన శాఖకు – రూ.13,600 కోట్లు,
* వ్యవసాయ అనుబంధ రంగాలకు – రూ.13,487 కోట్లు,
* తల్లికి వందనం కోసం – రూ.9,407 కోట్లు,
* ఆర్అండ్బీకి – రూ.8,785 కోట్లు,
* గృహ మంత్రిత్వ శాఖకు – రూ.8,570 కోట్లు,
* ఎస్టీల సంక్షేమానికి – రూ.8,159 కోట్లు,
* గృహ నిర్మాణ శాఖకు – రూ.6,318 కోట్లు,
* అల్పసంఖ్యాక వర్గాల కోసం – రూ.5,434 కోట్లు,
* మహిళా, శిశు సంక్షేమం, దివ్యాంగులు, వృద్ధుల సంక్షేమానికి – రూ.4,332 కోట్లు,
* పౌరసరఫరాల శాఖకు – రూ.3,806 కోట్లు,
* డొక్కా సీతమ్మ మధ్యాహ్న భోజన పథకానికి – రూ.3,486 కోట్లు,
* పరిశ్రమలు, వాణిజ్య శాఖకు – రూ.3,156 కోట్లు,
* జల్ జీవన్ మిషన్ కోసం – రూ.2,800 కోట్లు,
* దీపం 2.0 పథకానికి – రూ.2,601 కోట్లు,
* ఉన్నత విద్యకు – రూ.2,506 కోట్లు,
* నైపుణ్యాభివృద్ధి శిక్షణ శాఖకు – రూ.1,228 కోట్లు,
* ఆదరణ పథకానికి – రూ.1000 కోట్లు,
* స్వచ్ఛాంధ్ర కోసం – రూ.820 కోట్లు,
* యువజన, పర్యటక, సాంస్కృతిక శాఖకు – రూ.469 కోట్లు,
* మత్స్యకార భరోసాకు – రూ.450 కోట్లు,
* ఆర్టీజీఎస్ కోసం – రూ.101 కోట్లు,
* తెలుగు భాష అభివృద్ధి, ప్రచారం కోసం – రూ.10 కోట్లు,
* మద్యం, మాదక ద్రవ్యాల రహిత రాష్ట్రం కోసం నవోదయ 2.0 కార్యక్రమానికి – రూ.10 కోట్లు.
ఈసారి బడ్జెట్లో ప్రధానంగా వ్యవసాయ, విద్య, సంక్షేమ రంగాలకు అధిక ప్రాధాన్యత ఇచ్చారు. రైతులకు అనేక ప్రోత్సాహక పథకాలు అందించనున్నట్లు మంత్రి వెల్లడించారు. రాష్ట్ర సమగ్రాభివృద్ధి కోసం సంక్షేమ పథకాలు, అభివృద్ధి ప్రణాళికలకు ప్రభుత్వం పెద్దపీట వేసిందని పయ్యావుల కేశవ్ పేర్కొన్నారు.
