Andhra King Thaluka: నవంబర్ 28న విడుదల కాబోతున్న ‘ఆంధ్ర కింగ్ తాలూకా’ (AKT) సినిమా బాక్సాఫీస్ వద్ద పెను సంచలనం సృష్టించడానికి సిద్ధమైంది. పీక్ ప్రమోషన్స్ తో రామ్ పోతినేని అభిమానులతో పాటు సాధారణ ప్రేక్షకుల్లోనూ ఈ సినిమాపై అంచనాలు తారాస్థాయికి చేరుకున్నాయి. ఇక తాజాగా సెన్సార్ బోర్డు నుంచి ఈ చిత్రానికి U/A సర్టిఫికేషన్ లభించింది. మొత్తం రన్టైమ్ (ప్రకటనలు, టైటిల్స్తో సహా) సుమారు 2 గంటల 40 నిమిషాలుగా ఉండటం, ప్రేక్షకులకు ఒక పక్కా కమర్షియల్ విందు భోజనం అందించడానికి సిద్ధం చేసినట్టు టీం చెబుతోంది.
READ ALSO: Karregutta: కర్రెగుట్టలను స్వాధీనం చేసుకున్న CRPF భద్రత బలగాలు!
ఈ సినిమా పాటలు, టీజర్, ట్రైలర్ ఇప్పటికే యూత్లో భారీ క్రేజ్ సంపాదించాయి. ‘ఆంధ్ర కింగ్ తాలూకా’ ప్రత్యేకత ఏమిటంటే, ఇది 90ల నాటి పిల్లలకు ‘ఫస్ట్ డే ఫస్ట్ షో’ సందర్భంగా థియేటర్ల వద్ద నెలకొనే కార్నివాల్ వాతావరణాన్ని, ఆ పిచ్చి అభిమానాన్ని తిరిగి తీసుకురాబోతోంది. రామ్ పోతినేని ఒక సినిమా ప్రేమికుడిగా, తన అభిమాన నటుడిని పండుగలా కొలిచే పాత్రలో ఒదిగిపోయాడని ప్రచారం జరుగుతోంది. ఈ సినిమా ఆనాటి థియేటర్ అనుభవాన్ని మళ్లీ బతికిస్తుందని ట్రేడ్ వర్గాలు ధీమా వ్యక్తం చేస్తున్నాయి. మాస్ ఎలిమెంట్స్తో పాటు, ‘ఆంధ్ర కింగ్ తాలూకా’ గుండెను తాకే భావోద్వేగ ప్రధానాంశాన్ని కలిగి ఉందని సెన్సార్ రిపోర్ట్స్ ద్వారా తెలుస్తోంది.
రామ్, భాగ్యశ్రీ బోర్సే మధ్య కెమిస్ట్రీ యూత్ను ఆకట్టుకునేలా ‘బ్రీజీ రొమాన్స్’ను అందిస్తుంది. తండ్రి పాత్రలో రావు రమేష్ నటించారు. ఆయన, రామ్ మధ్య వచ్చే సన్నివేశాలు ప్రేక్షకులను కదిలించి, కథకు బలంగా నిలుస్తాయట. సూపర్స్టార్ సూర్యగా ఉపేంద్ర పాత్ర కథనానికి ఎలివేషన్ మరియు లోతును పెడుతుందని, ఆయన సన్నివేశాలు భారీ ప్రభావాన్ని చూపిస్తాయని అంటున్నారు. వివేక్-మెర్విన్ అందించిన సంగీతం ఇప్పటికే చార్ట్బస్టర్గా నిలవగా, వారి నేపథ్య సంగీతం సినిమాలోని భావోద్వేగాలను మరింత పైస్థాయికి తీసుకువెళ్తుందని టాక్. ముఖ్యంగా గ్రామీణ ఎపిసోడ్లు, అందులోనూ గుడి సీక్వెన్స్, సినిమాలో హైలైట్గా నిలుస్తాయట. దర్శకుడు మహేష్ బాబు పి. తన స్టోరీ టెల్లింగ్, మైత్రీ మూవీ మేకర్స్ ఉన్నత స్థాయి నిర్మాణ విలువలు సినిమా అవుట్పుట్ను అద్భుతంగా మార్చాయి.
ఈ సినిమాకు అత్యంత కీలకమైన భాగం చివరి 30 నుంచి 40 నిమిషాలు అని సెన్సార్ రిపోర్ట్స్ చెబుతున్నాయి. ఈ క్లైమాక్స్ భాగం హృదయాన్ని హత్తుకునేలా, ప్రభావవంతంగా ఉంటుందని, థియేటర్ నుంచి బయటకు వచ్చే ప్రేక్షకులకు ఒక మంచి అనుభూతిని మిగులుస్తుందని అంటున్నారు. మాస్, నాస్టాల్జియా, ఎమోషనల్ కోర్… ఈ మూడింటి కలయికతో ‘ఆంధ్ర కింగ్ తాలూకా’ రామ్ పోతినేని కెరీర్లోనే బెస్ట్ కమర్షియల్ బ్లాక్బస్టర్గా నిలవడానికి సిద్ధంగా ఉంది అని టీం చెబుతోంది.
READ ALSO: IND vs SA: లంచ్ బ్రేక్.. దక్షిణాఫ్రికా ఆధిక్యం 508 పరుగులు!
