Gunde Ninda Gudi Gantalu : గుండె నిండా గుడిగంటలు.. మీనా రెమ్యూనరేషన్ తెలిస్తే షాక్ అవ్వాల్సిందే!

తెలుగు బుల్లితెరపై ప్రస్తుతం టాప్ ట్రెండింగ్‌లో ఉన్న సీరియల్స్‌లో ‘గుండె నిండా గుడి గంటలు’ ఒకటి. మధ్యతరగతి కుటుంబ కథతో సాగుతున్న ఈ సీరియల్‌లో ‘మీనా’ పాత్రకు ప్రేక్షకులు బ్రహ్మరథం పడుతున్నారు. ఈ పాత్రలో నటిస్తున్న కన్నడ బ్యూటీ అమూల్య గౌడ, తన సహజ నటనతో అతి తక్కువ కాలంలోనే తెలుగు ఇంటి అమ్మాయిలా మారిపోయింది. అయితే సీరియల్‌లో పేదింటి అమ్మాయిగా కనిపించే మీనా.. రియల్ లైఫ్‌లో మాత్రం భారీగానే వెనకేస్తున్నట్లు సమాచారం.

Also Read : #Nani34: నాని-సుజిత్ మూవీలోకి ఇద్దరు బాలీవుడ్ భామలు.. ప్లాన్ మాములుగా లేదుగా !

ప్రస్తుతం ‘గుండె నిండా గుడి గంటలు’లో బాలు-మీనాల జోడీకి ఫ్యాన్ ఫాలోయింగ్ మామూలుగా లేదు. ముఖ్యంగా అమూల్య పండించే ఎమోషన్స్ సీరియల్‌కు ప్లస్ అవుతున్నాయి. ఈ క్రేజ్ నేపథ్యంలో ఆమె అందుకుంటున్న రెమ్యూనరేషన్ ఇప్పుడు హాట్ టాపిక్‌గా మారింది. సమాచారం ప్రకారం, అమూల్య గౌడ ఈ సీరియల్ కోసం రోజుకు సుమారు 30 వేల నుంచి 35 వేల రూపాయలు తీసుకుంటుందట. ఈ లెక్కన చూస్తే వారానికి దాదాపు 2 లక్షల వరకు ఆమె జేబులోకి వెళ్తున్నాయి. నెలకు సగటున 20 రోజులు షూటింగ్ ఉన్నా.. నెలకు 7 నుంచి 8 లక్షల రూపాయల వరకు ఆమె సంపాదిస్తున్నట్లు తెలుస్తోంది. సోషల్ మీడియా ప్రమోషన్లు, బ్రాండ్ ఎండార్స్‌మెంట్లు అదనం. సీరియల్‌లో పద్ధతిగా కనిపించే మీనా.. బయట మాత్రం గ్లామరస్ లుక్స్‌తో సోషల్ మీడియాలో హీట్ పెంచుతూ, మరోవైపు సంపాదనలోనూ దూసుకుపోతోంది.