ప్రస్తుతం సోషల్ మీడియాలో అల్లు ఫ్యాన్స్ హంగామా ఓ రేంజ్లో ఉందనే చెప్పాలి. ఎందుకంటే, ఈ వారంలో అల్లు అయాన్ బర్త్ డే కాగా, వచ్చే వారం అల్లు అర్జున్ బర్త్ డే ఉంది. ఏప్రిల్ 3న అల్లు అయాన్ పుట్టినరోజు సందర్భంగా.. బన్నీ తన షూటింగ్ షెడ్యూల్స్ ముగించుకుని తిరిగి హైదరాబాద్ చేరుకోగా హ్యాపీ బర్త్ డే చిన్నిబాబు అంటూ సోషల్ మీడియాలో షేర్ చేసిన ఫోటో ఒకటి తెగ వైరల్ అవుతోంది. ఈ సందర్భంగా అల్లు ఫ్యాన్స్.. హ్యాపీ బర్త్ డే అయాన్ భాయ్ అంటూ విష్ చేస్తున్నారు. ఇదే సమయంలో అల్లు అర్జున్ అభిమానులు ఎంతో ఆతృతగా ఎదురుచూస్తున్న ఏప్రిల్ 8వ తేదీకి కౌంట్డౌన్ మొదలైంది.
Also Read : Exclusive : రామ్ చరణ్ ‘పెద్ది’ ఏప్రిల్ 30న రిలీజ్ ఫిక్స్.. బుకింగ్స్ ఓపెన్
మరో ఐదు రోజుల్లో ఐకాన్ స్టార్ పుట్టినరోజు వేడుకలు గ్రాండ్గా ప్రారంభం కానున్నాయి. ఈ సందర్భంగా సోషల్ మీడియాలో ఇప్పటికే సందడి మొదలైపోయింది. సెలబ్రేషన్స్ లోడింగ్.. అంటూ నెట్టింట రచ్చ చేస్తున్నారు అల్లు ఫ్యాన్స్. అలాగే.. అట్లీ దర్శకత్వంలో తెరకెక్కుతున్న కొత్త సినిమా అప్డేట్ కోసం వేయికళ్లతో ఎదురుచూస్తున్నారు. ఈ సినిమా నుంచి టైటిల్తో పాటు బన్నీ ఫస్ట్ లుక్ రిలీజ్కు ప్లాన్ చేస్తున్నాడు అట్లీ. మరోవైపు బన్నీ బర్త్ డే స్పెషల్గా ‘రేసు గుర్రం’ సినిమా రీ-రిలీజ్ కానుంది. బన్నీ కెరీర్లో బిగ్గెస్ట్ హిట్లలో ఒకటిగా నిలిచిన ఈ యాక్షన్ కామెడీ ఎంటర్టైనర్ 4K క్వాలిటీతో రాబోతోంది. ఇప్పటికే అడ్వాన్స్ బుకింగ్స్ ఓపెన్ అవగా.. సూపర్ రెస్పాన్స్ వస్తోంది. మొత్తంగా.. అటు అయాన్ బర్త్డే, ఇటు ఐకాన్ స్టార్ బర్త్డే.. ఈ రెండు వేడుకలు ఐదు రోజుల గ్యాప్తో రావడంతో పాటు.. రేసు గుర్రం రీ రిలీజ్తో రచ్చ చేస్తున్నారు అల్లు అభిమానులు. అన్నట్టు.. అల్లు అర్జున్-లోకేష్ కనగరాజ్ సినిమా అప్డేట్ కూడా ఉండే ఛాన్స్ ఉంది.