Allu Arjun Remuneration: షాకింగ్.. 300 కోట్లు ఏంది సామి?

డిసెంబర్ 5న రిలీజ్ కానున్న ‘పుష్ప 2’ సినిమాపై భారీ అంచనాలున్నాయి. ప్రీ రిలీజ్ బిజినెస్ ఏకంగా వెయ్యి కోట్లకు పైగా చేయగా.. బాక్సాఫీస్ దగ్గర వెయ్యి కోట్లు ఈజీగా రాబడుతుందని అంతా ఫిక్స్ అయ్యారు. అయితే ఈ సినిమాకు ‘ఐకాన్ స్టార్’ అల్లు అర్జున్ పారితోషికమే ఇప్పుడు ఓ సెన్సేషన్‌గా మారింది. గతంలో పుష్ప 2 కోసం బన్నీ వంద కోట్ల రెమ్యునరేషన్ తీసుకుంటున్నట్టుగా వార్తలు వచ్చాయి. తాజాగా ఫోర్బ్స్ లిస్ట్ ప్రకారం.. దీనికి రెండింతలు ఎక్కువగా ఉంటుందని తెలుస్తోంది.

భారతీయ సినీ పరిశ్రమలో అత్యధిక పారితోషికం తీసుకునే హీరోల జాబితాలో అల్లు అర్జున్‌ మొదటి స్థానంలో నిలిచాడు. తాజాగా ఫోర్బ్స్‌ విడుదల చేసిన టాప్‌ 10 జాబితాలో స్టార్ హీరోలను వెనక్కి నెట్టి.. అగ్ర స్థానంలో బన్నీ నిలిచాడు. ఫోర్బ్స్‌ మ్యాగజైన్ టాప్‌ 10 జాబితా ప్రకారం.. అల్లు అర్జున్ పారితోషికం రూ.300 కోట్లు అని పేర్కొంది. అంటే ఇండియాలోనే అత్యధికం అన్నమాట. దీంతో దేశంలోనే అత్యధికంగా పారితోషికం పొందుతున్న నటుడిగా బన్నీ రికార్డు సృష్టించాడు. ఈజాబితాలో రెండో స్థానంలో దళపతి విజయ్ ఉంన్నాడు. విజయ్ తన 69వ సినిమా కోసం రూ.275 కోట్లు తీసుకున్నట్టుగా పేర్కొంది.

Also Read: Keerthy Suresh: 15 ఏళ్ల ప్రేమ.. కాబోయే వాడిని పరిచయం చేసిన కీర్తి సురేశ్‌!

షారుఖ్ ఖాన్, రజనీకాంత్ 150 నుంచి 270 కోట్లు.. అమీర్ ఖాన్ 100 నుంచి 175 కోట్లు.. ప్రభాస్ 100 నుంచి 200 కోట్లు.. అజిత్ 100 నుంచి 165 కోట్లు.. సల్మాన్ ఖాన్ 100 నుంచి 150 కోట్లు.. కమల్ హాసన్ 100 నుంచి 150 కోట్లు.. అక్షయ్ కుమార్ 65 నుంచి 145 కోట్లతో తర్వాతి స్థానాల్లో నిలిచారు. రూ.300 కోట్లతో బన్నీ ఆల్ ఇండియా నెంబర్ 1 హీరోగా నిలిచి.. అందరినీ ఆశ్యర్యపరిచాడనే చెప్పాలి. మరి పుష్ప 2 ఎలా ఉంటుంది?, బాక్సాఫీస్ దగ్గర ఎంత రాబడుతుంది?, బన్నీని ఈ సినిమా ఏ రేంజ్‌కు తీసుకెళ్తుంది? అనేది తెలియాలంటే డిసెంబర్ 5 వరకు ఆగాల్సిందే.