‘పుష్ప 2’ రిలీజ్ డేట్ ఎప్పుడో ఫిక్స్ అయింది. డిసెంబర్ 6న పాన్ ఇండియా బాక్సాఫీస్ దడదడలాడిపోనుంది. అయితే సినిమా షూటింగ్ విషయంలోనే కాస్త డౌట్స్ ఉన్నాయి. అయితే తాజా సమాచారం ప్రకారం అక్టోబర్ చివరికి టోటల్ టాకి షూట్ పూర్తయ్యేలా ప్లాన్ చేస్తున్నారట. ఆ తర్వాత పోస్ట్ ప్రొడక్షన్పై ఫోకస్ పెట్టనున్నాడు సుక్కు మాస్టర్. పుష్ప షూటింగ్ అక్టోబర్లో అయిపోతుంది కాబట్టి.. మరి ‘ఐకాన్ స్టార్’ అల్లు అర్జున్ నెక్స్ట్ ప్రాజెక్ట్ ఏంటి? అనేది తేలాల్సి ఉంది.
ఇప్పటికే బన్నీతో సందీప్ రెడ్డి వంగ, త్రివిక్రమ్ శ్రీనివాస్ సినిమాలు అనౌన్స్ చేశారు. సందీప్ సినిమా మొదలవడానికి మరో 3-4 ఏళ్ల సమయం పట్టేలా ఉంది. దాంతో త్రివిక్రమ్ సినిమా సెట్స్ పైకి వెళ్లాల్సి ఉంది. కానీ ఐకాన్ స్టార్తో సినిమా చేసేందుకు స్టార్ డైరెక్టర్ అట్లీ కూడా లైన్లో ఉన్నాడు. అయితే ఆ మధ్య ఈ ప్రాజెక్ట్ ఆగిపోయినట్టుగా సోషల్ మీడియాలో వార్తలు వచ్చాయి. కానీ ఈ క్రేజీ కాంబో క్యాన్సిల్ కాలేదని ఈ మధ్య క్లారిటీ వచ్చేసింది. ప్రస్తుతం ఈ సినిమాకు సంబంధించిన చర్చలు జరుగుతున్నట్టుగా తెలుస్తోంది. అసలు సినిమా ఉంటుందా?.. ఉండదా.. అనేది మరో రెండు మూడు రోజుల్లో తేలిపోనుందట.
Also Read: Pushpa 2 Climax: ‘పోతారు.. మొత్తం పోతారు’.. పుష్ప 2 క్లైమాక్స్పై మేకర్స్ ట్వీట్!
అట్లీ సినిమా ఓకే అయితే.. త్రివిక్రమ్ సినిమా కంటే ముందే మొదలయ్యే ఛాన్స్ లేకపోలేదు. షారుఖ్ ఖాన్ ‘జవాన్’ మూవీతో వెయ్యి కోట్ల క్లబ్లో ఎంటర్ అయిన అట్లీ నెక్స్ట్ ప్రాజెక్ట్ కోసం మూవీ లవర్స్ ఆసక్తికరంగా ఎదురుచూస్తున్నారు. ఈ నేపథ్యంలో పుష్ప2 వంటి క్రేజీ ప్రాజెక్ట్ తర్వాత అట్లీతో బన్నీ సినిమా ఉంటే.. మామూలుగా ఉండదు. బన్నీ కెరీర్లోనే అత్యంత భారీ బడ్జెట్తో ఈ ప్రాజెక్ట్ ఉండనున్నట్లు తెలుస్తోంది. అయితే ఈ ప్రాజెక్ట్ కన్ఫర్మేషన్ వచ్చే వరకు వెయిట్ చేయాల్సిందే.
