అల్లు ఫ్యామిలీలో మరో తరం నటనారంగంలోకి వచ్చేందుకు సిద్ధమవుతున్నట్లు తాజాగా అల్లు అరవింద్ ప్రకటించారు. తాజాగా ‘అల్లు సినిమాస్’ను తెలంగాణ ముఖ్యమంత్రి రేవంత్ రెడ్డి ఆవిష్కరించారు. ఈ సందర్భంగా ఏర్పాటు చేసిన సభలో అనేక అంశాల గురించి అల్లు అరవింద్ ప్రస్తావించారు. ఇదే క్రమంలో అల్లు అర్జున్ కుమారుడు అల్లు అయాన్ గురించి ఆయన చేసిన వ్యాఖ్యలు సోషల్ మీడియాలో వైరల్ అవుతున్నాయి. ఇప్పటికే అల్లు అర్జున్ కొడుకు “సినిమాల్లో వేషాలు వేస్తానని ఇంట్లో వేషాలు వేస్తున్నాడు” అంటూ ఆయన కామెంట్ చేశారు. వాస్తవానికి అల్లు అయాన్కు సోషల్ మీడియాలో విపరీతమైన క్రేజ్ ఉంది.
Also Read:Ustaad Bhagat Singh: పవన్ ఫాన్స్’కి లడ్డూ లాంటి వార్త!
అల్లు అర్జున్ అరెస్ట్ అయినప్పుడు, అలాగే అల్లు అరవింద్ తల్లి మరణించినప్పుడు మీడియా మొత్తం అల్లు అయాన్ని ఫోకస్ చేసింది. ఈ క్రమంలోనే ఇప్పుడు తాజాగా అల్లు అరవింద్, “అల్లు అయాన్ కూడా సినిమాల్లో వేషాలు వేస్తానంటూ ఇంట్లో వేషాలు వేస్తున్నాడు” అని వ్యాఖ్యానించడంతో.. అల్లు ఫ్యామిలీలో మరో తరం నటనలోకి వచ్చేందుకు సిద్ధమైందని సిగ్నల్స్ ఇచ్చినట్లయింది. అయితే అల్లు అయాన్ ఇప్పుడే నటనలోకి అడుగు పెడతాడా, లేక శిక్షణ తీసుకుని హీరోగా లాంచ్ అవుతాడా అనే విషయం మీద మాత్రం క్లారిటీ లేదు.