తెలుగు చిత్రసీమలో తనదైన కామెడీ టైమింగ్తో ప్రేక్షకులను అలరించే నటులలో అల్లరి నరేష్ ముందు వరసలో ఉంటాడు. గత కొంత కాలంగా కామెడి సినిమాలు పక్కన పెట్టేసి సీరియస్ సినిమాలపై ఫోకస్ చేసాడు అల్లరి నరేష్. కానీ ఒకప్పటి సాలిడ్ హిట్ కొట్టలేకపోతున్నాడు. ఇక విలక్షణమైన కథలను ఎంచుకుని తనకట్ను ప్రత్యేకమైన గుర్తింపు తెచుకున్నాడు నారా రోహిత్. కాగా ఇప్పుడు ఈ ఇద్దరు కలిసి ఒకే స్క్రీన్పై కనిపించబోతున్నారు. వీరిద్దరి కాంబినేషన్ లో ఓ సినిమా రాబోతుంది. ఈ చిత్రం అవుట్ అండ్ అవుట్ హిలేరియస్ ఎంటర్టైనర్గా ఉండబోతోందని సమాచారం.
Also Read : Lenin : పెద్ది రాకతో అయ్యగారి ‘లెనిన్’ సినిమా పోస్ట్ పోన్
నారా రోహిత్ హీరోగా వచ్చిన ‘సుందరకాండ’ చిత్రంతో దర్శకుడిగా మంచి గుర్తింపు తెచ్చుకున్న వెంకటేశ్ నిమ్మలపూడి ఈ మల్టీస్టారర్ చిత్రానికి దర్శకత్వం వహించనున్నారు. మొదటి సినిమాతోనే తన మేకింగ్ స్టైల్తో ఆకట్టుకున్న వెంకటేశ్, ఈసారి అల్లరి నరేష్ మార్కు కామెడీని, రోహిత్ సెన్సిబుల్ నటనను జోడించి ఒక ఫుల్ లెంగ్త్ ఎంటర్టైనర్ స్క్రిప్ట్ను సిద్ధం చేశారు. ఈ చిత్రాన్ని భగవంత్ కేసరి, కృషార్జున యుద్ధం వంటి సినిమాలకు సహా నిర్మాతగా వ్యహరించిన హరీష్ పెద్ది సొంత బ్యానర్ లో భారీ బడ్జెట్తో నిర్మించనున్నారు. ప్రస్తుతం ఈ ప్రాజెక్ట్ చర్చల దశ ముగిసి, ఫైనల్ స్టేజ్కు చేరుకుంది. అన్నీ కుదిరితే ఈ నెలలోనే చిత్ర యూనిట్ నుండి అధికారిక ప్రకటన వచ్చే అవకాశం ఉంది. నారా రోహిత్, అల్లరి నరేష్ ఇద్దరు మంచి నటులు సరైన కథ పడితే హిట్ కొట్టడం పక్క. మరి ఈ ఇద్దరు తొలిసారి కలిసి నటిస్తున్న సినిమా ఎలా ఉంటుందో చూడాలి.