Alien Birth: బీహార్లో వింత శిశువు జననం.. చూసేందుకు ఎగబడుతున్న జనం
Alien Birth: బీహార్ మోతిహరిలో విచిత్రం చోటు చేసుకుంది. పురిటినొప్పులతో ఆస్పత్రిలో చేరిన గర్భిణి ముక్కులేని వింత శిశువుకు జన్మ నిచ్చింది. మోతిహరి పరిధిలోని అలీషెర్పుర్కు చెందిన సరోజ పటేల్ భార్య రూపాదేవి పురిటి నొప్పులతో ఓ ప్రైవేటు ఆస్పత్రిలో చేరింది. మూడు రోజుల తర్వాత ఆమెకు ముక్కు లేని మగ శిశువు పుట్టింది. ముక్కు స్థానంలో వింత ఆకారంలో రెండు కళ్లు ఉన్నాయి. శ్వాస తీసుకోవటానికి రంధ్రం కూడా లేకపోవడంతో వైద్యులు అశ్చర్యానికి గురయ్యారు. దీంతో డాక్టర్స్ ఆ శిశువుకు నోటి ద్వారా కృత్రిమంగా ఆక్సిజన్ ను పైపు అమర్చి చికిత్స అందిస్తున్నారు. వింత ఆకారంలో ఉన్న శిశువును చూసేందుకు పెద్ద ఎత్తున జనాలు తరలివస్తున్నారు. ఆ శిశువును చూసి కొంత మంది వినాయకుడు అంటుండగా.. మరికొంతమంది గ్రహాంతరవాసిగా భావిస్తున్నారు. తల్లిదండ్రుల్లో నెలకొన్న జన్యుపరమైన లోపాల కారణంగా, క్రోమోజోమ్ల లోపాలతో శిశువులు ఇలా పుడతారని వైద్యులు చెబుతున్నారు. చాలా మంది ఇంకా పాతకాలపు పద్ధతులనే పాటించటం వల్ల కూడా ఇలాంటి లోపాలతో పిల్లలు పుడుతున్నారని వైద్యులు అంటున్నారు.
Read Also: House Fire: చంద్రగ్రహణం తెచ్చిన తంట.. అప్పటినుంచి ఆ ఇంట్లో రోజు మంటలే..
Read Also:Corona Deaths: చైనాలో చిన్నారుల ప్రాణాలు తీస్తున్న లాక్ డౌన్