Akshata Murty: రిషి సునాక్ భార్య డ్రెస్సింగ్పై ట్రోలింగ్.. కారణమేంటంటే?
- రిషి సునాక్ భార్య డ్రెస్సింగ్పై దుమ్మెత్తిపోస్తున్న నెటిజన్లు
- భారత సంతతికి చెందిన రిషి సునాక్ యూకే ప్రధానమంత్రి పదవికి రాజీనామా
- Follow Us :
-
-
Add as a preferred
source on google
Akshata Murty: బ్రిటిష్ పార్లమెంటరీ ఎన్నికల్లో కన్జర్వేటివ్ పార్టీ (టోరీ) ఘోర పరాజయంతో అధికారానికి దూరమైంది. కన్జర్వేటివ్ పార్టీ 121 సీట్లు మాత్రమే సాధించింది, ఇది 2019లో గత ఎన్నికల కంటే 250 సీట్లు తక్కువ. పరాజయం తర్వాత భారత సంతతికి చెందిన రిషి సునాక్ ప్రధానమంత్రి పదవికి రాజీనామా చేశారు. అనంతరం 10 డౌనింగ్ స్ట్రీట్ వెలుపల ప్రధాన మంత్రిగా తన చివరి ప్రసంగాన్ని ఇచ్చారు. ఓటమికి బాధ్యత వహిస్తూ ఓటర్లకు, కన్జర్వేటివ్ పార్టీ నేతలకు సునాక్ క్షమాపణరు చెప్పారు. అయితే ఈ సమయంలో భారతీయ బ్రాండ్ దుస్తులు ధరించి తన భర్త కోసం వేచి ఉన్న ఆయన సతీమణి అక్షతా మూర్తి వెనక నిలబడి ఉండడం అందరి దృష్టిని ఆకర్షించింది. ప్రస్తుతం అక్షతామూర్తి ధరించిన డ్రెస్పై చర్చ మొదలైంది. ఇప్పుడు ఈ డ్రెస్ సోషల్ మీడియాలో వైరల్గా మారింది.
Read Also: Virat Kohli: విరాట్ కోహ్లీ మొబైల్ వాల్పేపర్గా ఆయన ఫోటో.. ఎవరీయన?
అక్షతామూర్తి డ్రెస్పై సోషల్ మీడియాలో చర్చ జరగుతోంది. ఈ హై నెక్ డ్రెస్లో బ్రిటీష్ జాతీయ జెండా (నీలం, ఎరుపు, తెలుపు) యొక్క అన్ని రంగుల చారలు ఉన్నాయి. దీని కారణంగా ఈ డ్రెస్పై సోషల్ మీడియాలో హేళన చేయడం ప్రారంభించారు. అయితే ఇందులో ఇంత ఫన్నీ ఏంటని మీరు ఆశ్చర్యపోవచ్చు, దీనికి కారణం డ్రెస్ డిజైన్. అక్షత దుస్తులపై బాణాలు క్రిందికి వెళ్తున్నాయి, ఆ డ్రెస్ అడుగు భాగం ఎర్రగా ఉంది. ఇంటర్నెట్ వినియోగదారులు ఈ డిజైన్ను కన్జర్వేటివ్ పార్టీకి 2024 ఎన్నికల ఫలితాల చిహ్నంగా వర్ణించడం ప్రారంభించారు. మరొక నెటిజన్ ఇలా రాసుకొచ్చాడు. రిషి సునాక్ రాజీనామా చేయడంలో సహాయం చేయడానికి అక్షతా మూర్తి అమెరికన్ ఫ్లాగ్ స్టైల్ దుస్తులను ధరించడం చూడటం ఆనందంగా ఉంది. అనుకున్న ప్రకారం, అమెరికాలో కొత్త జీవితం కోసం ప్రైవేట్ జెట్ ఎక్కేందుకు సిద్ధమవుతున్నారని రాశాడు.
అక్షర మూర్తి డ్రెస్ ఖరీదు ఎంత?
బ్రిటిష్ వార్తా సంస్థ ది టెలిగ్రాఫ్ నివేదిక ప్రకారం, అక్షర మూర్తి దుస్తులు భారతీయ ఫ్యాషన్ బ్రాండ్ కా-షా అని తెలిసింది. రిపోర్టులో ఈ డ్రెస్ ధర రూ.42,000గా పేర్కొంది. ఈ కాటన్ దుస్తులను ఆన్లైన్ బోటిక్ ద్వారా విక్రయిస్తారు, ఇది స్థిరమైన ఫ్యాషన్ బ్రాండ్గా ప్రసిద్ధి చెందింది. అక్షర మూర్తి మంచి డిజైనర్ దుస్తులు ధరించడంలో ప్రసిద్ధి చెందారు. ఆమె 2023 సంవత్సరంలో బ్రిటన్ టాట్లర్ మ్యాగజైన్లో ఉత్తమ దుస్తులు ధరించిన జాబితాలో అగ్రస్థానంలో నిలిచింది.