కోలీవుడ్ స్టార్ హీరో అజిత్ కుమార్ రూటే వేరు. సినిమాలతో పాటు రేసింగ్ను ప్రాణంగా భావించే అజిత్ తన తదుపరి చిత్రం కోసం లాంగ్ గ్యాప్ తీసుకున్నాడు. మొత్తనికి నెక్ట్స్ సినిమా AK64కు సంబంధించి పనులను వేగవంతం చేసాడు. గుడ్ బాడ్ అగ్లీతో సూపర్ హిట్ ఇచ్చిన అధిక్ రవిచంద్రన్ దర్శకత్వంలో మరో సినిమా చేస్తున్నాడు అజిత్. ఈ సినిమా షూటింగ్ మే మొదటి వారంలో ప్రారంభం కానున్నట్లు సమాచారం.
Also Read : Prabhas : ధురంధర్ కోసం ప్రభాస్.. ఎన్నాళ్లకెన్నాళ్లకు
అజిత్ తన రెండు ప్యాషన్స్ ను బ్యాలెన్స్ చేయడానికి ఒక ప్రత్యేక ప్లానింగ్ చేస్తున్నాడట. నెలలో 15 రోజులు సినిమా షూటింగ్కు, మిగిలిన 15 రోజులు రేసింగ్కు కేటాయించబోతున్నారు. ఇలా పారలల్గా రెండు రంగాల్లోనూ దూసుకుపోవాలని ఆయన నిర్ణయించుకోవడం విశేషం. దీనివల్ల షూటింగ్ కాస్త ఆలస్యమైనా అజిత్ తన రేసింగ్ కెరీర్కు ఎక్కడా ఆటంకం కలగకుండా ప్లాన్ చేసుకుంటున్నారు. ఈ సినిమా నిర్మాణానికి సంబంధించి ఒక ఆసక్తికరమైన చర్చ నడుస్తోంది. అజిత్ రెమ్యునరేషన్ విషయంలో నిర్మాతల మధ్య కొన్ని భేదాలు రావడంతో ఈ చిత్రాన్ని అజిత్ స్వయంగా నిర్మించాలని భావిస్తున్నారట. మరో నిర్మాణ సంస్థ కేవలం ఫండింగ్ సపోర్ట్ మాత్రమే అందిస్తుందని అజిత్ తన సొంత బ్యానర్పైనే ఈ సినిమాను పట్టాలెక్కించే అవకాశం ఉందని టాక్. పారితోషికం కంటే సినిమా అవుట్పుట్ అలాగే తన రేసింగ్ కూడా అనుకూలంగా ఉండేలా ప్రాధాన్యత ఇస్తున్నట్లు తెలుస్తోంది.’గుడ్ బ్యాడ్ అగ్లీ’ వంటి సినిమా తర్వాత అధిక్ రవిచంద్రన్ మళ్లీ అజిత్ను డైరెక్ట్ చేయబోతున్న ఈ సినిమా పక్కా మాస్ యాక్షన్ ఎంటర్టైనర్గా ఉండబోతోందని సమాచారం. అజిత్ కొత్త మేకోవర్ మరియు ఆయన రేసింగ్ పట్ల చూపిస్తున్న ఆసక్తి అభిమానుల్లో భారీ అంచనాలను పెంచుతోంది.
