Ahmednagar: అహ్మద్నగర్ పేరును అహల్యానగర్గా.. మహారాష్ట్ర సీఎం ప్రకటన
Ahmednagar in Maharashtra to be renamed Ahilyanagar: మహారాష్ట్రలోని అహ్మద్నగర్ పేరును అహల్యానగర్గా మార్చబోతున్నట్లు మహారాష్ట్ర ముఖ్యమంత్రి ఏక్నాథ్ షిండే బుధవారం ఒక కార్యక్రమంలో ప్రకటించారు. ఈ కార్యక్రమంలో మహారాష్ట్ర ఉప ముఖ్యమంత్రి దేవేంద్ర ఫడ్నవీస్, మహారాష్ట్ర మంత్రి రాధాకృష్ణ విఖే పాటిల్, బీజేపీ ఎమ్మెల్యే గోపీచంద్ పదాల్కర్ తదితరులు పాల్గొన్నారు.
మరాఠా యోధురాలు రాణి అహల్యాబాయి హోల్కర్ పేరు మీదుగా నగరానికి అహల్యానగర్గా పేరు మార్చబడుతుంది. 18వ శతాబ్దపు మాల్వా హోల్కర్ రాజవంశం పాలకుడి 298వ జయంతి సందర్భంగా జరిగిన అభివృద్ధి గురించి ప్రసంగించారు. “ప్రజా డిమాండ్ను గౌరవిస్తూ అహ్మద్నగర్ ఇప్పుడు అహల్యాదేవి హోల్కర్ పేరు మీదుగా అహల్యానగర్ అవుతుంది” అని అహ్మద్నగర్లోని చొండిలో ఏర్పాటు చేసిన బహిరంగ ర్యాలీలో సీఎం ఏక్నాథ్ షిండే అన్నారు. రాష్ట్ర ప్రభుత్వం ఈ నిర్ణయం తీసుకుందని ఆయన అన్నారు. దేవేంద్ర ఫడ్నవీస్, తాను ఈ చారిత్రాత్మక క్షణంలో భాగమైనందుకు తాను గర్వపడుతున్నానన్నారు. ఒక ఏడాదిలోనే పేరు మార్చిన నగరాల్లో ఇది మూడోది. ఈ ఫిబ్రవరిలో రాష్ట్ర ప్రభుత్వం ఔరంగాబాద్ను ఛత్రపతి శంభాజీనగర్గా, ఉస్మానాబాద్ను ధరాశివ్గా మార్చే ప్రతిపాదనను అధికారికంగా ఆమోదించింది.
Read Also: Priyank Kharge: ప్రియాంక్ ఖర్గేకు కీలక ఐటీ శాఖ కేటాయింపు.. ఎంబీ పాటిల్కు ఆ శాఖ!
ఎన్సీపీ రాష్ట్ర అధ్యక్షుడు, ఎమ్మెల్యే జయంత్ పాటిల్ మాట్లాడుతూ.. అహ్మద్నగర్ పేరును అహల్యానగర్గా మారుస్తూ ప్రభుత్వం తీసుకున్న నిర్ణయాన్ని స్వాగతిస్తున్నామని, షిండే-ఫడ్నవీస్ ప్రభుత్వానికి రోజురోజుకు ఆదరణ తగ్గుతోందని, రాష్ట్ర ప్రజలకు ఇప్పుడిప్పుడే అవగాహన ఉందన్నారు. అది. కాబట్టి, ప్రజాదరణను పెంచడానికి ఇటువంటి నిర్ణయాలు తీసుకుంటున్నారన్నారు.