Surprise Gift: సర్ ప్రైజ్ గిఫ్ట్ అంటే ఇదేనా.. కళ్లు మూసుకోమని కత్తితో కోసేశాడు

Surprise Gift: హర్యానాలోని సోనేపట్‌లో షాకింగ్ ఘటన చోటు చేసుకుంది. పెళ్లై 17రోజులు అయింది. భర్త తన భార్యను నీకో సర్ ప్రైజ్ గిఫ్ట్ ఉంది బయటికి వెళ్తాం పద అని తీసుకెళ్లాడు. భర్త మాటలు నమ్మి పొలాల్లోకి వెళ్లింది భార్య. బహుమతి ఇస్తానని చెప్పి కళ్లుమూసుకొమ్మన్నాడు. కత్తి తీసి మెడ కోసేశాడు. భార్య అరుపులకు బయపడి అక్కడ నుంచి పరారయ్యాడు. గాయపడ్డ భార్య ఎలాగోలా ఇంటికి చేరుకోగా కుటుంబ సభ్యులు ఆమెను ఆస్పత్రిలో చేర్చారు. ప్రస్తుతం ఆస్పత్రిలో చికిత్స పొందుతుంది.

Read Also: Health Tips: కడుపులో మంట తగ్గడానికి ఈ చిట్కాలు ట్రై చేయండి..

వివరాలు.. హర్యానాలోని సోనేపట్‌లోని నాథుపూర్ గ్రామం నుండి ఇంటికి వచ్చిన కొత్తగా పెళ్లైన మహిళకు షాకింగ్ సంఘటన ఎదురైంది. ఆమెకు సర్ ప్రైజ్ గిఫ్ట్ ఇస్తానన్న నెపంతో భర్త ఆమెను ఇంటి నుంచి బయటకు పిలిచి పొలానికి తీసుకెళ్లాడు. చుట్టుపక్కల ఎవరూ లేకపోవడంతో అవకాశాన్ని సద్వినియోగం చేసుకుని ఆమె మెడపై కత్తితో పొడిచాడు. ఈ దాడిలో కొత్తగా పెళ్లయిన మహిళ తీవ్రంగా గాయపడింది. లివాన్ గ్రామానికి చెందిన గౌరవ్ తో నాథుపూర్‌కు చెందిన మహేరితో ఫిబ్రవరి 18న వివాహం జరిగింది. 17 రోజుల తర్వాత బాధితురాలు మహేరి నాథుపూర్‌కు వచ్చింది. ఘటన జరిగిన రోజు భర్త గౌరవ్ ఆమెకు ఫోన్ చేసి తనను కలవాల్సిందిగా ఫోన్ చేశాడు.

Read Also:Pawan Singh: పవర్ స్టార్ పవన్ పై రాళ్ల దాడి.. వీడియో వైరల్

బయటకు రాగానే గౌరవ్ బైక్ పై తీసుకెళ్లాడు. సర్ ప్రైజ్ అని చెప్పి బరోటా రోడ్డులోని పొలంలోకి తీసుకెళ్లాడు. భార్యను కళ్లుమూసుకోమని చెప్పి కత్తితో మెడకోశాడు. అనంతరం బైక్‌పై పరారయ్యాడు. గాయాలతో ఆమె ఇంటికి చేరుకోగలిగింది. ఆ తర్వాత ఆమెను ఆసుపత్రిలో చేర్చారు. తదుపరి చికిత్స నిమిత్తం ఓ ప్రైవేటు ఆసుపత్రిలో చేర్పించారు. బాధితురాలి ఫిర్యాదు మేరకు కేసు నమోదు చేసినట్లు పోలీసు సూపరింటెండెంట్ బిజేంద్ర కుమార్ తెలిపారు. అనే అంశంపై క్షుణ్ణంగా విచారణ జరుపుతామన్నారు. నిందితులను త్వరలోనే పట్టుకుంటామన్నారు. దాడికి గల కారణం ఇంకా స్పష్టంగా తెలియరాలేదు.