Dacoit :డెకాయిట్ ఫస్ట్ డే కలెక్షన్స్.. అడివి శేష్ కెరీర్ లోనే బిగ్గెస్ట్ ఓపెనర్!

టాలీవుడ్ యంగ్ అండ్ టాలెంటెడ్ హీరో అడివి శేష్ తన రూటు మార్చి చేసిన ‘డెకాయిట్’ (Dacoit) చిత్రం బాక్సాఫీస్ వద్ద సంచలనం సృష్టిస్తోంది. మొదటి రోజే ఈ సినిమా శేష్ కెరీర్‌లోనే బిగ్గెస్ట్ ఓపెనర్‌గా నిలిచింది. ప్రపంచవ్యాప్తంగా ఈ చిత్రం తొలిరోజే రూ. 15 కోట్లకు పైగా గ్రాస్ వసూళ్లను సాధించి ట్రేడ్ వర్గాలను ఆశ్చర్యపరిచింది. కేవలం తెలుగులోనే కాకుండా హిందీలో కూడా ఈ చిత్రం ఘనమైన ఆరంభాన్ని అందుకుంది. బాలీవుడ్ మార్కెట్‌లో మొదటి రోజు రూ. 1.25 కోట్ల వసూళ్లను రాబట్టి శేష్ తన పాన్-ఇండియా ఇమేజ్‌ను మరోసారి చాటుకున్నాడు.

Also Read : Mangli: మంగ్లీపై 10 కోట్ల చీటింగ్ కేసు.. అసలు ఏం జరిగిందంటే?

ముఖ్యంగా అమెరికా (USA) బాక్సాఫీస్ వద్ద ‘డెకాయిట్’ ప్రభంజనం మామూలుగా లేదు. కేవలం ప్రీమియర్స్, మొదటి రోజుతోనే ఈ చిత్రం హాఫ్ మిలియన్ డాలర్ల ($500K) మార్కును దాటేసింది. ప్రస్తుతం అక్కడ $575K పైగా వసూళ్లతో దూసుకుపోతోంది. అడివి శేష్ కెరీర్‌లో అత్యంత వేగంగా హాఫ్ మిలియన్ మార్కును అందుకున్న సినిమా ఇదే కావడం విశేషం. బుక్‌మైషో (BookMyShow)లో ఏకంగా 2.5 లక్షల టికెట్లు అమ్ముడయ్యాయంటే ఈ సినిమాపై ఉన్న క్రేజ్ ఏంటో అర్థం చేసుకోవచ్చు. మార్నింగ్ షోల కంటే మ్యాట్నీ, సెకండ్ షోలకు రెట్టింపు జనం రావడం సినిమా లాంగ్ రన్‌కు సంకేతంగా మారింది.

దర్శకుడు షానీల్ డియో మేకింగ్, శేష్-మృణాల్ ఠాకూర్ ల మధ్య కెమిస్ట్రీ ప్రేక్షకులను బాగా ఆకట్టుకుంటున్నాయి. వీకెండ్ బుకింగ్స్ కూడా చాలా స్ట్రాంగ్ గా ఉండటంతో, అడివి శేష్ ఖాతాలో మరో బ్లాక్ బస్టర్ పక్కా అనిపిస్తోంది. స్పై థ్రిల్లర్స్ తో కాకుండా ఒక రగ్గడ్ లవ్-యాక్షన్ డ్రామాతో శేష్ ఈ రేంజ్ సక్సెస్ అందుకోవడం ఆయన మార్కెట్ స్టామినాను పెంచింది.