Priya Bhavani Shankar : నా బాడీ వస్తువేం కాదు.. అందాలు చూపించి అవకాశాలు అందుకోవడానికి
Priya Bhavani Shankar : కళ్యాణం కమనీయం సినిమాతో తెలుగు తెరకు పరిచయమైన హీరోయిన ప్రియా భవానీ శంకర్. ఏ విషయాన్ని అయినా ఆమె ముఖంపై కొట్టినట్లు మాట్లాడతారు. ఈ చెన్నై బ్యూటీ స్కిన్ షోకు దూరంగా ఉంటూనే అవకాశాలను అందుకుంటున్నారు. ఆమె కోలీవుడ్ స్టార్ జీవాతో కలిసి నటించిన బ్లాక్ చిత్రం త్వరలో ప్రేక్షకుల ముందుకు రాబోతుంది. ఈ నేపథ్యంలో ప్రమోషన్స్ కార్యక్రమంలో చురుగ్గా పాల్గొంటున్నారు. ఈ క్రమంలో ఓ ఇంటర్వ్యూలో మాట్లాడుతూ.. హీరోయిన్లు స్కిన్ షో చేస్తుండటంపై కీలక వ్యాఖ్యలు చేశారు. ఈ వివరాల్లోకి వెళితే..చాలా మంది సినిమా రంగంఅంటేనే గ్లామర్ గా ఉండాలని భావిస్తారు. అదే విధంగా అక్కడ క్విడ్ ప్రో కో ఉంటుందని, మంచి చాన్స్ లు రావాలంటే.. దేనీకైన రెడీగా ఉండాలని తరచుగా వార్తలు విన్పిస్తూ ఉంటాయి. ప్రేక్షకులను ఆకట్టుకోవడానికి గ్లామర్గా కనిపించడం నాకు అస్సలు నచ్చదు. అలాంటి బోల్డ్ రోల్స్ ని నేను ఒప్పుకోను. కెరీర్ పరంగా ఎప్పుడైనా వెనక్కి తిరిగి చూసుకుంటే ఏ విషయంలోనూ బాధపడకూడదని నేను నిర్ణయం తీసుకున్నాను.
Read Also:Iran- Israel Conflict: ఇజ్రాయెల్ దెబ్బకి భయపడి గగనతలం మూసి మళ్లీ తెరిచిన ఇరాన్
అందుకే, నా శరీరాన్ని ఎప్పుడూ ఒక వస్తువుగా నేను భావించను. అందాలు చూపించి అవకాశాలు అందుకోవాలని అనుకోవడం లేదు. అందుకే, సినిమాల ఎంపిక విషయంలో ఆలోచించి నిర్ణయాలు తీసుకుంటా. అయితే, నెగెటివ్ రోల్ చేయడానికీ కూడా వెనుకాడను. ఎందుకంటే నటన అనేది నా వృత్తి. అలాగే, ఒక హీరోయిన్ గా ఫ్యాషన్ పేరుతో అందాలను మాత్రం ప్రమోట్ చేయలేను’ ’ అంటూ చెప్పుకొచ్చింది.
Read Also:Bathukamma 2024: నేడు అలిగిన బతుకమ్మ.. ఎందుకో తెలుసా?
న్యూస్ రీడర్గా కెరీర్ ప్రారంభించిన ప్రియ భవానీ శంకర్.. తర్వాత తమిళ బుల్లితెరపై సీరియల్స్లో చేశారు. ఈ పాపులారిటీతో సినిమాల్లో ఆమెకు వరుస అవకాశాలు వచ్చాయి. మేయాద మాన్తో నటిగా ఎంట్రీ ఇచ్చిన ప్రియ భవానీ శంకర్ వరుస హిట్స్తో కోలీవుడ్లో స్టార్ హీరోయిన్గా ఎదిగారు. తమిళంలో తెరకెక్కిన ఈ మూవీలు తెలుగులోకి డబ్ కావడంతో ఇక్కడి వారికి కూడా దగ్గరయ్యారు. ఈ నేపథ్యంలో 2023లో సంతోష్ శోభన్ హీరోగా వచ్చిన కళ్యాణం కమనీయం సినిమాతో తెలుగులో తొలిసారి నటించారు. ఆ తర్వాత గోపీచంద్ హీరోగా నటించిన భీమాలోనూ సందడి చేశారు. దూత వెబ్సిరీస్లో అక్కినేని నాగచైతన్యకు భార్యగా నటించారు.