UP: రెండేళ్లుగా యువతిపై అత్యాచారం.. వీడియోలు తీసి మరి బ్లాక్‌మెయిల్

ఉత్తరప్రదేశ్లోని ముస్సోరి పోలీస్ స్టేషన్ పరిధిలో 22 ఏళ్ల యువతికి చదువు చెబుతానని చెప్పి రెండేళ్లుగా బ్లాక్ మెయిల్ చేసి అత్యాచారం చేస్తున్న నిందితుడు మౌలానాను పోలీసులు అరెస్ట్ చేశారు. నిందితుడు వీడియో తీసి బాలికను బ్లాక్‌మెయిల్ చేసి పలుమార్లు అత్యాచారానికి పాల్పడ్డారని పోలీసులు చెబుతున్నారు. పోలీసులు తెలిపిన వివరాల ప్రకారం.. యువతి గ్రామంలోని మసీదులోని మౌలానా వద్ద చదువుకునేది. రెండేళ్ల క్రితం నిందితుడు యువతిని బెదిరించి అత్యాచారం చేసి దానిని వీడియో తీశాడు. ఆ తర్వాత ఆ వీడియోను సోషల్ మీడియాలో ప్రసారం చేస్తానని బెదిరించి రెండేళ్లుగా ఆమెపై అత్యాచారానికి పాల్పడుతున్నాడు.

Read Also: AP Polling Timings: ఏపీలో పోలింగ్ టైమింగ్స్ ఇలా.. అక్కడమాత్రం సాయంత్రం 4 వరకే ఓటింగ్..

కాగా.. కొద్ది రోజుల క్రితం ఈ వీడియో సోషల్ మీడియాలో వైరల్‌గా మారింది. గ్రామంలో ఉండే వ్యక్తుల మొబైల్ ఫోన్లలో ఈ వీడియో ప్రసారం కావడంతో.. ఈ విషయం బంధువులకు తెలిసింది. కాగా.. ఈ ఘటనపై యువతి వద్ద నుంచి సమాచారం సేకరించారు. ఈ ఘటన గురించి మొత్తం విషయం చెప్పింది. దీంతో తీవ్ర మనస్తాపానికి గురైన బంధువులు ముస్సోరి పోలీస్ స్టేషన్‌లో ఫిర్యాదు చేశారు. ఫిర్యాదు ఆధారంగా నిందితుడు మౌలానా 25 ఏళ్ల జబ్బాద్‌ను పోలీసులు అరెస్టు చేశారు. నిందితుడి నుంచి అతని మొబైల్ ఫోన్ స్వాధీనం చేసుకున్నారు. వీడియో ప్రసారం చేసిన వారిపై కూడా సోదాలు జరుగుతున్నాయని పోలీసులు చెబుతున్నారు. వారిపై కూడా చర్యలు తీసుకుంటామన్నారు.

Read Also: Hardik Pandya Captaincy: హార్దిక్ పాండ్యా సారథ్యం ఎవరికీ తీసిపోదు: కొయిట్జీ