Tuvalu : ఈ దేశానికి భూమిపై నూకలు చెల్లాయి.. సముద్రంలో మునిగిపోనున్న తొలి డిజిటల్ కంట్రీ

పసిఫిక్ మహాసముద్రంలో హవాయి, ఆస్ట్రేలియా మధ్య ఒక అందమైన పాలినేషియన్ ద్వీప దేశం ఉంది. ఇక్కడ దాదాపు 11 వేల మంది నివసిస్తున్నారు. ఇక్కడ ప్రజలకు ఎక్కువ సమయం లేదు. ఎందుకంటే వారి దేశం సముద్రంలో మునిగిపోతుంది. ఈ దేశం 9 చిన్న ద్వీపాలతో ఏర్పడింది. దాని ప్రధాన ద్వీపం యొక్క ఆకారం ఇరుకైన స్ట్రిప్ లాగా ఉంటుంది. దానిపై జనాభా స్థిరపడింది. దాని పేరు తువాలు. ఇది ప్రపంచంలో మూడవ అతి తక్కువ జనాభా కలిగిన సార్వభౌమ దేశం. దీని కంటే తక్కువ జనాభా ఉన్న దేశాల్లో వాటికన్, నౌరు మాత్రమే ఉన్నాయి.

దేశంలోని నాల్గవ అతి చిన్న దేశం:
వైశాల్యం పరంగా తువాలు కేవలం 26 చదరపు కి.మీ విస్తీర్ణంతో ప్రపంచంలోని నాల్గవ అతి చిన్న దేశం. వాటికన్ సిటీ (0.44 చ.కి.మీ), మొనాకో (1.95 చ.కి.మీ), నౌరు (21 చ.కి.మీ) విస్తీర్ణం కలిగి ఉన్నాయి. ఒకప్పుడు బ్రిటిష్ సామ్రాజ్యంలో భాగమైన తువాలు 19వ శతాబ్దం చివరలో యునైటెడ్ కింగ్‌డమ్ ప్రభావంలోకి వచ్చింది. 1892 నుంచి 1916 వరకు ఇది బ్రిటిష్ ప్రొటెక్టరేట్, 1916, 1974 మధ్య గిల్బర్ట్ మరియు ఎల్లిస్ ఐలాండ్స్ కాలనీలో భాగంగా ఉంది. 1974లో, స్థానిక నివాసితులు ప్రత్యేక బ్రిటీష్ ఆశ్రిత ప్రాంతంగా ఉండాలని ఓటు వేశారు. 1978లో, తువాలు పూర్తి స్వతంత్ర దేశంగా కామన్వెల్త్‌లో భాగమైంది. ఈ దేశంలో 11 వేల మంది మాత్రమే నివసిస్తున్నారు. తువాలు జనాభాలో 60% ఉన్న మెయిన్ ఫునాఫుటిలో సగం 2050 నాటికి మునిగిపోతుందని నాసా శాస్త్రవేత్తలు అంచనా వేస్తున్నారు. ఒక నగరం ఇరుకైన భూభాగంలో ఎక్కడ ఉంది.

సముద్ర మట్టం పెరుగుతుండడంతో..
వాతావరణ మార్పుల కారణంగా సముద్రాల్లోని నీటి మట్టం క్రమంగా పెరుగుతోంది. అలా పెరుగుతున్న సముద్ర జలాలు క్రమంగా చిన్న చిన్న ద్వీపాలను కబళిస్తున్నాయి. అలా, సముద్ర జలాల్లోకి క్రమంగా జారుకుంటున్న దేశం తువాలు. మరి కొన్ని సంవత్సరాల్లో ఆ దేశం నామరూపాలు లేకుండా పోతుంది. పసిఫిక్ సముద్రంలో అంతర్భాగమవుతుంది.

చరిత్ర, సంస్కృతి, సంప్రదాయాల కోసం..
అయితే, భౌతికంగా దేశం కనుమరుగైనా, దేశ భౌగోళికత, చరిత్ర, సంస్కృతి, సంప్రదాయాలు కనుమరుగు కాకూడదని తువాలు ప్రభుత్వం నిర్ణయించింది. అందుకోసం సాంకేతికతను ఉపయోగించుకోవాలనుకుంది. మెటావర్స్ లో దేశ ప్రతిబింబాన్ని డిజిటల్ వర్షన్ లో రూపొందించడం ప్రారంభించింది. అలా, తొలి డిజిటల్ కంట్రీగా అవతరించనుంది. దేశంలోని భౌగోళిక కేంద్రాలు, ప్రముఖ నిర్మాణాలు, ఇతర పర్యాటక కేంద్రాలను డిజిటలైజ్ చేసింది. అంటే మనం మన ఇంట్లోనే కూర్చుని, ఆ దేశంలో వర్చువల్ రియాలిటీ ద్వారా పర్యటించవచ్చు.