Honey Trap : ఇప్పటి వరకు మగవాళ్లు స్త్రీలను వేధించడం, బలవంతం చేయడంలాంటి వార్తలను వింటూ ఉన్నాం. కానీ హర్యానాలోని మహేంద్రగఢ్లో ఓ షాకింగ్ కేసు వెలుగులోకి వచ్చింది. అక్కడ ఓ యువతి ఓ వ్యక్తికి ఫోన్ చేసి ముచ్చటగా మాట్లాడి తన ఇంటికి పిలిచింది. ఆ తర్వాత అతడితో బలవంతంగా శారీరక సంబంధం పెట్టుకుంది. అంతే కాదు వారిద్దరు కలిసిన సందర్భాన్ని రహస్యంగా చిత్రీకరించింది. ఆ తర్వాత ఆమె అసలు రూపం బయట పెట్టింది. దీంతో యువకుడు ఆమె చేసిన పనికి అవాక్కయ్యాడు. ఆమె అతడిని డబ్బు ఇవ్వాలంటూ డిమాండ్ చేసింది. లేకపోతే ఈ వీడియోను సోషల్ మీడియాలో పోస్ట్ చేస్తానని బెదిరించాడు.
Read Also: KTR Twitter: ట్విటర్ లో కేటీఆర్ను ప్రశ్నించిన నెటిజన్.. స్మూత్ గా బదులిచ్చిన మంత్రి
అసలైన, హనీట్రాప్ కేసు శనివారం మహేంద్రగఢ్ పోలీస్ స్టేషన్లో వెల్లడైంది. యువతి వేధింపులకు గురైన యువకుడు ఫిర్యాదుచేసేందుకు పోలీస్ స్టేషన్ కు చేరుకున్నాడు. యువకుడు తనకు జరిగిన అనుభవాన్ని వివరిస్తూ – ‘గత కొన్ని రోజులుగా తెలియని నంబర్ నుండి కాల్స్ వస్తున్నాయి. ఆ ఫోన్లో ఆమె నన్ను పదే పదే ఇంటికి పిలుస్తోంది. రానని అన్నా ఆమె ఒప్పుకోక పోవడంతో తప్పనిసరి ఆమె ఇంటికి వెళ్లాను. నేను ఆమె ఇంటికి చేరుకోగానే తలుపులు, కిటికీలు అన్నీ మూసేసింది. ఆ తర్వాత ఆమె బలవంతంగా నాతో శారీరక సంబంధం పెట్టుకుంది. నేను ఇంటికి వెళ్లేందుకు సిద్ధమవుతుండగా వీడియో రికార్డింగ్ని చూపించి నువ్వు వెళ్లు, అయితే ముందు 10 లక్షల రూపాయలు ఇచ్చి వెళ్లు, లేకపోతే ఈ వీడియోను సోషల్ మీడియాలో షేర్ చేస్తానని చెప్పడం ప్రారంభించింది. ఆమె మాటలు విని నేను భయపడిపోయి నా దగ్గర అంత డబ్బు లేదు. వెంటనే ఆ మహిళ చైన్-రింగ్, బ్రాస్లెట్ తీయండి అని బెదిరించింది’.
Read Also:Atiq Ahmed : ఆమె శాపం వల్లే గ్యాంగ్ స్టర్ అతిక్ అహ్మద్ చంపబడ్డాడా..?
యువకుడు నేరుగా పోలీస్ స్టేషన్కు వెళ్లి మహిళ గురించిన వివరాలన్నీ పోలీసులకు చెప్పాడు. దీంతో ఆ యువతి మరుసటి రోజు అంటే శనివారం యువకుడికి ఫోన్ చేసి లక్ష రూపాయలు అడిగింది. మహిళను రెడ్హ్యాండెడ్గా పట్టుకునేందుకు పోలీసులు అబ్బాయికి లక్ష ఇచ్చి, మహిళ వద్దకు పంపారు. అంతకు ముందు పోలీసులు యువకుడి ఇచ్చి పంపిన నోట్ల నంబర్లను నోట్ చేసుకున్నారు. యువకుడు ఆమెకు లక్ష రూపాయలు ఇవ్వగానే వెనుక నుంచి పోలీసులు ఆమెను పట్టుకున్నారు. ఆమె పై కేసు నమోదు చేసి దర్యాప్తు చేస్తున్నారు.