Strange Disease: వింత వ్యాధితో బాధపడుతున్న అమెరికాకు చెందిన అమ్మాయి.. నీళ్లు పడితే చాలు

ప్రపంచంలో ఉండే మనుషులు వింత వింత రకాల అలర్జీలతో బాధపడుతున్నారు. కొంతమందికి దుమ్ము అలర్జీ, స్మెల్ అలర్జీ.. ఇలా రకరకాల అలర్జీలతో ఇబ్బందులు ఎదుర్కొంటున్నారు. అయితే నీటి అలర్జీతో బాధపడటం మీరెప్పుడైనా విన్నారా.. ?. అమెరికాలోని సౌత్ కరోలినాకు చెందిన ఓ యువతి అరుదైన వ్యాధితో బాధపడుతోంది. ఆ యువతి తలస్నానం చేస్తే చాలా ఇబ్బంది పడాల్సి వస్తోందని చెబుతోంది. భరించలేని నొప్పితో పాటు శరీరంపై ఎర్రటి దద్దుర్లు వస్తాయని తెలుపుతుంది.

22 ఏళ్ల యువతి లారెన్ మోంటెఫుస్కో ఆక్వాజెనిక్ ఉర్టికేరియాతో బాధపడుతుంది. ఇది ఒక రకమైన చర్మ వ్యాధి. ఈ వ్యాధి చాలా అరుదుగా కనిపిస్తుంది. ఇప్పటివరకు 37 కేసులు మాత్రమే నమోదయ్యాయి. లారెన్ పొరపాటున స్నానం చేసినా లేదా నీటిని తాకినా.. ఆమె శరీరం మొత్తం ఒక గంట పాటు దురదగా ఏర్పడుతుంది.

Minister Buggana Rajendranath Reddy: భారత్‌లోనే విశాఖ అన్ని ప్రాధాన్యతలు వున్న నగరం..

అంతేకాదు.. ఆమె శరీరం నుంచి వచ్చే చెమట కూడా తనకు ప్రాణాంతకం అని లారెన్ చెబుతుంది. ఎందుకంటే.. ఎక్కడినుంచి చెమట వస్తుందో అక్కడ ఎర్రటి దద్దుర్లు వస్తాయని పేర్కొంది. ఈ వ్యాధితో తన జీవితం కష్టంగా ఉందని లారెన్ చెప్పింది. అంతేకాకుండా.. తన శరీరాన్ని గోకకుండా ఉండేందుకు శాయశక్తులా ప్రయత్నిస్తాను, కానీ ఆపుకోలేకపోతున్నట్లు చెబుతుంది.

లారెన్ 12 సంవత్సరాల వయస్సులో ఉన్నప్పుడు ఈ వ్యాధి వచ్చింది. ఆ తర్వాత ఇంక ఎక్కువగా పెరిగిందని చెబుతుంది. కాగా.. 15 సంవత్సరాల వయస్సులో ఆమె మొదటిసారిగా డాక్టర్ దగ్గరికి వెళ్లి చూపించుకున్నట్లు తెలిపింది. ఆక్వాజెనిక్ ఉర్టికేరియా అనే అరుదైన వ్యాధితో బాధపడుతున్నట్లు చెప్పింది. ఈ వ్యాధికి నివారణ లేదని.. వీలైనంత వరకు నీటికి దూరంగా ఉండటమేనని లారెన్ తెలిపింది.