గుజరాత్లోని అహ్మదాబాద్లో ఓ బహుళ అంతస్థుల ఆసుపత్రిలో ఇవాళ (ఆదివారం) అగ్ని ప్రమాదం చోటు చేసుకుంది. దీంతో 100 మంది రోగులను సురక్షిత ప్రాంతానికి తరలించారు. మంటలను ఆర్పేందుకు అగ్నిమాపక బృందాలు కృషి చేస్తున్నాయి. ఈ ఆసుపత్రి బేస్మెంట్లో ఈ ప్రమాదం ప్రారంభమైంది. దట్టమైన పొగ ఆ పరిసరాలను చుట్టుముట్టింది.
Read Also: Online Games: ‘నేను ఇంటి నుంచి వెళ్లిపోతున్నాను’.. భార్యకు భర్త లెటర్..!
అహ్మదాబాద్ లోని సాహిబాగ్ ప్రాంతంలోని రాజస్థాన్ ఆసుపత్రిలో నేటి (ఆదివారం) తెల్లవారుజామున 4.30 గంటల ప్రాంతంలో అగ్ని ప్రమాదం సంభవించింది అని పోలీసు ఇన్స్పెక్టర్ ఎండీ చంపావత్ తెలిపారు. ఈ బహుళ అంతస్థుల ఆసుపత్రిలోని బేస్మెంట్ నుంచి దట్టమైన పొగలు రావడంతో మంటలను ఆర్పేందుకు అగ్నిమాపక అధికారులు వాటిని ఆర్పివేసేందుకు కష్టపడ్డారు. ముందు జాగ్రత్త చర్యల్లో భాగంగా ఈ ఆసుపత్రిలోని దాదాపు 100 మంది రోగులను సురక్షిత ప్రదేశానికి తరలించారు.
Read Also: Gold Price Today : మహిళలకు షాకింగ్ న్యూస్.. భారీగా పెరిగిన బంగారం, వెండి ధరలు..ఎంతంటే?
ఈ అగ్ని ప్రమాదంతో ఆసుపత్రిలో చికిత్స పొందుతున్న రోగులు తీవ్ర భయాందోళనలకు గురయ్యారు. ఆసుపత్రి సిబ్బంది, స్థానికులు ఈ ఆసుపత్రిలో చికిత్స పొందుతున్న రోగులను సురక్షితంగా ఆసుపత్రి నుంచి బయటకు తీసుకు వచ్చారు. ఓ చారిటబుల్ ట్రస్టు ఈ ఆసుపత్రిని నిర్వహిస్తుంది. ఫైరింజన్లు మంటలను ఆర్పివేసినట్లు పోలీసులు పేర్కొన్నారు. మంటలు అదుపులోకి వచ్చినప్పటికి పొగ ఇంకా అదుపులోకి రావాల్సి ఉందని చెప్పుకొచ్చారు.
