Crime News: సిగరెట్‌ కోసం బాలుడి దారుణహత్య.. గోనెసంచిలో చుట్టి సముద్రంలో పడేసి..

Crime News: విశాఖపట్నంలోని ఫిషింగ్ హార్బర్‌ సమీపంలో ఓ బాలుడు దారుణహత్యకు గురయ్యాడు. మృతదేహాన్ని గోనెసంచిలో చుట్టి దుండగులు సముద్రంలో పడేయగా.. పోలీసులు కేసు నమోదు చేసి విచారణ చేపట్టారు. వన్‌టౌన్‌ పోలీస్‌ స్టేషన్‌ పరిధిలో జరిగిన మైనర్ బాలుడి హత్య కేసును పోలీసుల ఛేదించారు.

Also Read: Viral News: శివుడిపై మందుబాబు ప్రమాణం.. ఆ కష్టం పగోడికి కూడా రావద్దు.. దేవుడా!

చిన్న అలియాస్ విస్కీ(17)ని బటన్ నైఫ్‌తో నలుగురు యువకులు గొంతు కోసి హత్య చేసినట్లు పోలీసుల విచారణలో తేలింది. సిగరెట్ కోసం గొడవపడి అసభ్య పదజాలంతో దూషించినందుకు కోపంతో నలుగురు యువకులు ఈ దారుణానికి పాల్పడినట్లు పోలీసులు వెల్లడించారు. హత్య చేసిన అనంతరం దొరక్కుండా ఉండేందుకు మృతదేహాన్ని ఓ గోనెసంచిలో చుట్టి ఫిషింగ్ హార్బర్‌లోని 11 వ నెంబర్ జెట్టిలో పడేసి ఆ యువకులు పరారైనట్లు తెలిపారు. పోలీసులు వారికోసం గాలింపు చర్యలు చేపట్టగా.. నలుగురు యువకులు పట్టుబడ్డారు. అనంతరం నిందితులను జువైనల్‌ హోంకు తరలించారు.