9000 Crores Deposited: క్యాబ్ డ్రైవర్ బ్యాంక్ ఖాతాలో 9000 కోట్లు జమ.. చివరకు ఏమైందంటే?

9000 Crore deposited to Cab Driver Account by Tamilnadu Mercantile Bank in Chennai: ఓ క్యాబ్ డ్రైవర్ బ్యాంక్ ఖాతాలో భారీ మొత్తంలో డబ్బు జమ అయింది. ఒకటి కాదు.. రెండు కాదు.. ఏకంగా రూ. 9000 కోట్లు జమ అయ్యాయి. ఆ డబ్బు వచ్చింది బ్యాంకు నుంచే కావడం విశేషం. ఈ ఘటన తమిళనాడులోని చెన్నైలో చోటుచేసుకుంది. చెన్నైలోని తమిళనాడు మర్కంటైల్ బ్యాంక్ నుంచి ఓ క్యాబ్ డ్రైవర్ బ్యాంక్ ఖాతాలో రూ. 9000 కోట్లు జమ చేయబడ్డాయి. ఈ న్యూస్ ప్రస్తుతం సోషల్ మీడియాలో వైరల్ అవుతోంది.

చెన్నైలోని పళనికి చెందిన క్యాబ్ డ్రైవర్ రాజ్‌కుమార్‌కు తమిళనాడు మర్కంటైల్ బ్యాంక్‌లో అకౌంట్ ఉంది. సెప్టెంబరు 9న రాజ్‌కుమార్‌ ఖాతాలో రూ. 9000 కోట్లు జమ అయ్యాయి. తన బ్యాంకు ఖాతాలో భారీగా డబ్బు డిపాజిట్ అయిందని ఎస్‌ఎంఎస్ నోటిఫికేషన్ ద్వారా అతడికి తెలిసింది. తమిళనాడు మర్కంటైల్ బ్యాంక్ నుంచి రూ. 9000 కోట్లు తన ఖాతాలో జమ అయినట్లు ఎస్‌ఎంఎస్‌లో ఉంది. ఇంత డబ్బు తన ఖాతాలో ఎందుకు డిపాజిట్ అవుతుందని, ఇది ఓ స్కామ్ అని రాజ్‌కుమార్‌ ముందుగా భావించాడు.

తన ఖాతాలో ఇంత డబ్బు నిజంగానే జమ అయిందా? అని తెలుసుకోవడానికి రాజ్‌కుమార్ తన స్నేహితుడికి రూ. 21000 బదిలీ చేశాడు. ఆ లావాదేవీ సజావుగా పూర్తయింది. దాంతో రాజ్‌కుమార్‌ ఒక్కసారిగా షాక్ తిన్నాడు. తన ఖాతాలో నిజంగానే బ్యాంకు ద్వారా భారీ మొత్తం జమ అయిందని గ్రహించాడు. అయితే రాజ్‌కుమార్ ఆనందం కొద్దిసేపు మాత్రమే ఉంది. తమిళనాడు మర్కంటైల్ బ్యాంక్‌ అతడి ఖాతా నుంచి పూర్తి డబ్బును తిరిగి (డెబిట్) తీసేసుకుంది. ఈ విషయంపై మరిన్ని వివరాలు తెలియాల్సి ఉంది. రాజ్‌కుమార్ ఎంత మొత్తం డ్రా చేశాడు?, ఆ డబ్బును తిరిగి తీసుకుంటుందా? అని తెలియాల్సి ఉంది.

BREAKING: ₹9000 crore deposited to a car driver bank account by Tamilnadu Mercantile Bank in Chennai. pic.twitter.com/VVjPbB9cgy

— Manobala Vijayabalan (@ManobalaV) September 21, 2023